Tulaai Leitung Thuthang Tuamtuam te Update (Sep 03)

Tulaai Leitung Thuthang Tuamtuam te Update (Sep 03)

North Korea ah Nuclear asin na hang un Zinling
• North Korea daaidide icih laaitak September 3, 17 ni in North Koea State Media ah Leikhamaangpi Kim Jung Un man tuang lenlan sa in Hydrogen Bomb zatthei lian ding in omta cihthu onggingsak uhhi. Tuazawh asawtlo khat in North Korea gam sung a nuclear test nazel munkiim vuah 6.3 magnitude haat zinlinna om ci in China leh US Khuahunkan siam ten gen uhhi.

Tua kawmkaal ah North Korea in a (6) veina Nuclear Test ding in lawnkhia taktak ta hi cihthu South Korea ten theikhia uh ahihman in President Moon Jae-in in thukintak in gamhumbit thuvaaihawm pawl tawh meeting abawl laaitak ahihi. A (6) veina Nuclear asinna hang un zinlin hiding cin US leh China ten ummawh uhhi. Asi aliam thu acing in kiciantak nailo ci uhhi. FOX NEWS

US President te Nupa Texas hawhki

• US Texas state Huston kimm teng tuikhanna hang in hamsatna thuak te President Donald Trump leh a Angkawi Malania Trump ten September 2,2017 ni in hehnepna vapia leuleu uha, neek le dawn pawlkhat zong vahawmkhia uhhi. Hih mun ah tuuihang hamsatna supna athuakte kibulpatkik nading in President Trump in Congress ah $7.85 billion ngetna bawlsak hi. USA TODAY NEWS

North Korea ten a (6) veina Nuclear gualzotak in lawnkhia thei

• North Korea State Media te in September 3, 17 ni in North Korea gam in A (6) veina Hydrogen Bomb or Nuclear lawnkhia thei taktak ta a adeihna muntak kapkha in deihnana kaptheita ci in tumahmah in taangko khia hi. US,SKorea leh Japan lampan bel bangmah thu gingsaknaai samlo napi H Bomb ongsin ngeingei uhleh kaapding cihpeen agensa thu ahihi. FOX NEWS

Tuzan kaal Gaalpi tungkha thei maiding in kilam en hi thungetna ah phawk ciat ni.

Thang Khawm Pau