Malaysia, Setapak ah Facebook Live azaihlaitak phone kisuhsak
Malaysia, Kuala Lumpur khuasung ah pasal khatin Mobile Phone tawh Facebook Live azaihzaih laitak, thakhatthu in a phone ki suhsak hi. Tua aki suhsak laitakzong Facebook Live Video sungah suakkha ahih manin, tua Video Clip pen tulaitak Social Media ah ki thehzakpah hi.
Hih guta damiah te’n phone asuhsakna pen Setapak vengsung ah Friday ni in thupiang hiding kici hi.
Zanni Friday nipen Malaysia gamsung ah Public Holiday hi a, gammi biakna te’n Hari Raya Haji Celebration abawllaitak, pasal khatin ama Mobile Phone panin Facebook Live azaih kawikawi ahihi.
Phone asuhsak guta damiah tepen mi 2 hi uh a, Motorycle khatah atuangkhawm uh ahihi. Video sungah thakhatthu in phone suhkhiatsak uh a, ahi zongin tua Phone aneipa in Facebook Live azaih laitak ahih manin, guta te ii kampau leh amelteng Video sungah kimuthei hi.
Phone asuhkhit tawmvei vomcippak a, akisuhna, aki tomna uh hikhading hi.
Tawmveicik khitciang in Camera hongsiangkik a, guta damiah te ii amaitang Video sungah hongkidawk citciatmawk hi.
Video: Snatch thieves grab man’s phone while he films Facebook live video
Hihvai tawh kisai Wangsa Maju OCPD Supt Mohamad Roy Suhaimi Sarif te akidot ciangin, tuciangciang Police Report hongkibawl omnaikei ci in genkhia uhhi. Ahi zongin tua Video sungah akidawk damiah guta tepen matkhiatding ki hanciam hi ci’n genkhia hi.
Related: Kuala Lumpur khuasung ah thautawi guta damiah mi 2 kikaplum
Guta damiah te’n Facebook Live Video akizaihzaih ahihlam theikhalo in, Phone asuhsak uh hingelding a, hih guta nihtebel amel amaitang Video sungah limsuahkhak mahmah ahih manin tuahpha hetlo uhhi. Sawltak #zomidaily
Comment piaknop aomleh...