Pu Zokhai Chicago ah Thu le La tawh Talk show& Concert August 15 Saturday
It ZOMI pih teng
Pu Zokhai Thu le La tawh Chicago ah mipih te hong muap ding nai mahmah ta hi Tutung pen mun dang te ah mipi tawh kimuhkhop na hun tam ngahlo in Autralia ah sangkahna le nasepna maban zomnuam in Chicago bekmah ah Thu le La hongluikhia ding ahih man in, akua mah peuh in online pan or Youtube pan na ngak diimdiam un
Pu Zokhai mimal keimuhna Laitui khua suak Gualnam beh hi Kawlpi ah asangkahlai in tumging uk mahmah le lailam akin mahmah khat Minam vei mahmah khat in alawm ten honggenzel hi Aizongh in amaa Tumging uuk, Lai uuk le ,Nu le Pa, u le nau zi le tate nusia in 1998 pan 2001 dong phial India lam a sanggam melmaa Kuki le paite or ZOMI tualgal vai in sangkahpih lawm te tawh sisan dawn in kiciamna bawl liangin Sisanpih sanggam te Huu dingin vapaito uh hi A tup uh tungin Sanggam melma te kilemna bawlpih zo takpi uh hi
2003 kiim in Malaysia lam ah hongzuan in Lono na le Tuiciimna lam zuan a kineih hisam napi un sum le paai thalawh malak in Gam le Nam veina mah tawh Maysia kumpi ten Thong inn mah nadenna un kum 3 dekphial Gilbem taang hi Hongsuahtak khitphet mah in sum zong ningh cituanlo in , amaa bek angsungkhual loin ZOMI akhual man in Nam vei makai pawl khat tawh ZOMI Association Of Malaysia hongphutkhia uh hi
ZAM zumpi Innpi sung mah ah a lu nga in a omlo pan amaa pumpi mahmah kipiakhia in hongkipan khia hi
A hehpihhuai le Khiasiathuai tua hunlai Zokhai ci in mipumneu khat le kampau dangnal pawl hilo ahih man in mi in zahtaak khol lo mai a, mizawl le zongh ngahhaksa le kilawm phadeuh hi Tua hunlai Pumpi cidam lohna hangin UNHCR in damlohna hang tawh huhna apiak mi 2 kemkawm in tua te huhna sum te tawh ZAM zum hongsaapto zen mawk hi Tulaitak gam 3 na tung sanggam Khalkha lam te a min uh ZOMI min vive ahihna te i theihbangin CRC le ACR khateh dawh ZOMI ten i satan te diktak ngahlo in ei hunciangh K te nakiguangden te Pu Zokhai in na theilua khin ahih man in ZAM napan ngam himawk hi
ZAM phutcil lai in khua le tui le mimal phattuam nading ciang alunggulh ZOMI pawl khat bangin Pu Zokhai pen hua in vuak dingh thah ding phial in zong in vai in umbawlzel uh ka thei kha ngei hi. Pu Zokhai in tuhun ZAM din mun ding mukhol le mipih te itluat man in sih ding le liam le baai ding nakhual loin Pasal kasih le kasih ka Minam ading acih tinten na hangin tuni in ZAM min tawh ZOMI te tangthu laimal tampi ki at in Gam 3 na ah zongh tampi Topan hongtunkhinta hi Topa minthanna hita hen !
Pasian in ZAM tungtawn in thupha kizom in hong musak zel a, hunmasa lai in kibuluhna, kamat kihen na, mun asuakphial ZAM INN PI ah Malaysia gamsung om ZOMI te bek hilo in gam tuamtuam pan hongzin ZOMI te zongh Giahna kholna lupna nekna dawnna mun hongsuaksak hi UN pai ding te tawlngakna cina te zato kahna cih dan thupha tampi dahna nopna ah isanna hongsuaksak ta hi . Ai zongh in a phu masa alu ngangait a, Nu le Pa Zi le Ta pilsinna le a Uuk mahmah La le Music te nusia in sih akul le siding , Liam akul le Liam ding, Mat akul le akimansak ngam ding in hongkipiakhia , kiman takpi in ciangduai sat athuak pa Zosuan ZOMI te tangial in mihaibang a mu in, CRC te khawng amai etnop man ua vuakding a azonzon pa uh Pu Zokhai pen amaa kisuuk zah in kua mah in pahtawi le zahtaak piakna nadingah miki manggilh mahmah khat in ka mu hi .
Lai kin ahih man in tulaitak Australia ah MA sin in nidang a a uuk La le tumging te nusia zo mahmah lo ahih man in tutungh USA hongzinkawm in ZOVON TAWI la CD zongh aman phuah le Sak thuah hi ZAM min tawh kinahvawh kha a, hamphatna ngah tengin tha pia lengh kilawm ding hi Pu Zokhai tepawl bangh ip sung zat dingsum love gift khawng pia zolengh aman ZAM ading le ZOMI ading anuntaakna nakpi in nakisuuk ngei hizen hi
Thulam ah zongh taangthu tuanthu Zongeina ciin le zuih te zongh nakan nasin ahih man in thu cilgil le thuvuicing ciamteh mahmah khat hi, Tua ahih man in
August 15 Saturday 2015 nitaklam nai 5 pan nai 8 ciangh Chicago ZOMI te le Pu Zokhai Thu le La Talk show & Concert limtak muakciat ni
Thu le La adongh nuam ten kei email le ka ph pan sms tawh kidongh thei ding hi Amah tawh kiho nuam le lungdamkohna apulaaknuam i om le zongh hong kivaihawmsak thei ding hi
Dam in Sinthu Zaila suut khawm ni ei
Chicago ZOMI Innkuan aitaangin
Thomas Thang Than Tuang
630 923 8881
Comment piaknop aomleh...