Canada ansai ah numei khatin ektha in a ektawh nasemkhat deng

Canada ansai ah numei khatin ektha in a ektawh nasemkhat deng

Canada gamsung aom ansai khatah numeikhat in ektha in, tua a ek akhutguak tawh mankikin nasemkhat denna cih Video Clip pen tulaitak Social Media ah minthang mahmah hi.

Hih thupiangpen Canada, British Colombia, Langley khuasung aom Tim Hortons Restaurant sungah thupiang ahihi. Tua numeinu ii gamtatna pen CCTV sungah kiciantak in Record kibawlkha hi.

Video sungah numei khatpen nasemkhattawh kamkinial hileh kilawm a, tua numeinu pen hehmahmah leh kilawm hi. Tuakhit ciangin tua numeinu pen Counter ah anunglam tawh ki ngamphei in, abombi leh Underwear suahkhaziau in nasempa maitang ah ek thasukziau mawk hi.

Tuakhit ciangin a ekpen akhutguak tawh mansuk in, tua a ektawh nasempa dengphei sawnsawn hi.

Tuakhit ciangin Counter ah Napkin maiphei in, ataw asiakkhit ciangin tua azatsa Tissue tawhzong nasempa dengphei sawnsawn hi.

Hih numeinu pen abeisa inzong agamtat midangtawh kibanglo ahih manin, buaina apianni inzong Toilet azatding kiphallo cihi. Tuabangin Toilet zatding akiphalloh ciangin tua numeinu pen hehmahmah a, ansai nasempa maitang ah abombi suahkhia tingteng in ek athak khitciangin, a ektawh nasempa adengphei cimawk hi.

Video sungah nasempa pen Phone aki hokawmkawm laitak kimuthei a, tuapen Police te asaplaitak kici hi.

Video: A woman poos on the floor of a coffee shop Tim Hortons, before picking it up and throwing it at staff in this horrendous and explicit footage.

Langley vengsung aom Royal Canadian Mounted Police panin thunei khatin agenkhiatna ah tua numeinu pen agamtatna hangin kiman a, ahi zongin thudotna aki neihkhit ciangin ki khahkikphot cihi. Ahi zongin thukhenzum Court ah thusitna neihkikding in kamciam kipiasak hi.

Hih buaina apianna ansai pen Tim Hortons hi a, Tim Hortons pen Canadian-based multinational fast food restaurant khat ahihi. Canada gamsung aom Restaurant Chain lakah agolpen khatinzong aki ciamteh ahihi. 2016 December kha in aki pulakna ah leitung gamtuamtuam gam 9 ah Tim Hortons Restaurant bekbekpen 4613 omkhinta cihi.

More: Lawi ek lakpan apiangkhia lungno tetawh Burger limmahmah kibawl

UK gamsung bekbek ahzong Tim Hortons bekbek 17 omkhin a, Manchester, Cardiff, Glasgow khuasung te ah omkawikawi hi.

Canadian Broadcasting Corporation (CBC) te pulakna ahzong nasempa in tua numeinu pen abeisa in agamtat ahoihlo om ahih manin, Toilet azatding phallo in pilvangtak in anialbawl “tactfully refused” cihi. Tua numeinu pen amin apuam ki pulakkhialo a, ahi zongin hihvai hangin Canada gampen maizumhuaisak mahmah kici hi. Sawltak #zomidaily