Malaysia, Ampang vengsung ah papai khatin kum 10 aphapan atanu buanzel ahih manin kiman

Malaysia, Ampang vengsung ah papai khatin kum 10 aphapan atanu buanzel ahih manin kiman

Malaysia, Ampang vengsung aom papi khatin atanu tamveipi zawhthawh thutawh buanzelzel ahih manin kumpi thunei te’n manta uh cih NST pan kiza hi. Tua numeino pen kum 10 bekbek aphapan hi a, apianna apa tektek in tamveipitak zawhthawh thutawh abuan zelzel kici hi.

Hihvai tawh kisai in palik thunei ahi Ampang Jaya deputy police chief Superintendent Mohd Zaid Hassan in agenkhiatna ah hihbang innkuansung buaina thu aom ciangin hongki zasak in, hongki zaksakni mahin tuapa pen kimankhia pahhi ci’n genkhia hi.

Tuabangin atanu abuanzel pen kum 37 aphakhin khat kici a, 2017 kum pekpanin atanu pen simzawhloh tamveipitak (Countless times) abuanzelzel kici hi. Tuabangin buan athuak zelzel atanu in anunung ah thuakzo nawnlo in, kum 60 aphakhin api tungah agenkhiat ciangin api inzong Police Report bawlpihpah hi.

Tua buan athuak numeinu in abeisa Tuesday ni in api kiangah pulakkhia a, tuaciang in api inzong Police Report abawlna tungtawn in apa zong kimankhiapah hi. Tuate innkuan pen Ampang kuamsung aom Taman Changkat Permata ah ateeng uh ahihi.

Athu akigenna ah tua papipa pen azi tawh kikhen uh a, azi pen Rawang lamah om in pasal neikik hi. Atanu pen abeisa in api tawh akikem hi a, ahi zongin 2017 kum ciangin api in kemnawnlo in, apa tawh innkhat ah aomkhawm, akikem uh ahihi.

Tuabangin apa in akepzawh 2017 kumpan in tua numeino pen apa in abuanzelzel hi a, apa akihtak manin kuamah genkhia ngamlo in asimthuakcip ahihi ci’n tuni in thunei te’n Statement ah genkhia uhhi.

More: Malaysia ah papi khatin atanu buan in naupaai, kha 7 phakhin

Tua papipa pen kumpi thunei te’n manpah in, kemcippah uh a, hongtungding December 31 ni ciangin “Section 376B of the Penal Code for incest” thukhun tawh kizui in thusitna kineiding cih kiza hi. Sawltak #zomidaily