Khuado Pawi Sim ding Sapna
Zomi te ngeina KHUADO pawi pen Malaysia khuapi Kuala Lumpur ah ih bawl ngeinasa ahi Chinwoo Stadium ahOctober 15, 2015 (10am- 5pm) hun sunginkibawl ding hi. Khuado pawisim khempeuh tatdan hekdan a nuamthei penpending in Khuado Committee te’n hong vaihawmsak ding uh hi. Tutna pen 1000 ciang bek omding a, ahi zongin a panglangkhat ciat ah mi 1000 val bang a tut theih dingin tutna om dimdem ding hi. Munhoih nadeih leh hongpai baih sawm in! KHUADO Pawi bawlna ding panpihna hongpia mimal, Khua kipawlna, Pawlpi te leh Zomi Idol, Zolia & Zotaang sponsor te adingin zong a mailam ah tutna kigel ahih manin amai lamah mun nong lakpah nadingun zahtakna lianpi tawh hong zasak pah ung.
2015 kum khuado zong ZAM mahin hong makaihin, tua nuaiah Khuado Committee tengin hong vaihawm uh hi. Khua 70, Pawlpi 16 leh mimal 3 (tuciangciang) in a kisam sum tawh panpihna hongnei ahih manin Zomi khempeuh i bawl KHUADO Pawi ahi hi. Khuado ni ah koicidan teng omding hiam cih tawmkhat hong maleep nuam ungh.
Zomi Idol Malaysia 2015 Top 5 te kiangpan
Malaysia a om Zomi khangno lasasiamte lakpan a kitelkhia Top 5 tengin hong zaiziahziah ding uh hi.
Zomi Lasiamte kiangpan laksakna
aLengtong Pauno aEsther Cingsan
aZomi Idol Malaysia 2014, 1st, 2nd and 3rd
aZongeina lam leh la dang tuamtuam te om ding hi.
Zolia & Zotaang Malaysia 2015
Zolia 12 le Zotaang 17 ki helthei ding hi. Zolia & Zotaang a hih zenzen hangin leitung tawh liangko kikimin a kibawlding ahih manin nasia mahmah ding hi.
2015 Zomi Idol leh Zolia & Zotaang Mark piate dingte
Namdang sung pan:
Mr. John Tan
Mr. Manhunt Malaysia 2012/13 and Artist
Ms. Bella Rahim
Award Wining Actress, Fashion Show & Plus Size Model
Ms. Stephanie Van Driesen
Award Winning Theatre Actress and Singer
Ms. Sharmaine Van Driesen
Make-Up Stylist and Fashion Stylist
Ms. Liyana-Haley T.A
Creative Producer for TV Shows & entertainment lifestyle
Zomi sungpan:
aDeih Mang (Sower Sister) aLengtong Pauno
aPa Suanno (Zomi Vocal Band) aEsther Cingsan
aSia David (Kachin) aDavid Mangno
Ngeina puan & CD khui tuamtuam zuakna om ding
Hall sung lutpheina ziat le vei ah ngeina puan tuam-tuam leh Zola CD khui tuamtuam zong hong kizuak ding ahih manin sum zong kiging khol pah in.
Khuado hong simin, hih atung a kigenteng namit mahmah tawh na muhkhak nading itna lianpi tawh Zomi khempeuh kongzawn uh hi.
Zomi Idol, Zolia & Zotaang Sponsors hongpia teng
Pa Tha Piang te innkuan RM1000/
Pa Nang Za Khup te innkuan
(Malaysia pan Tedim Sum khakna (New Eden) RM500/
Jerry (TUNE a sem gammite) RM500/
Aung Nan Daw te innkuan RM300/
Pa Pau leh Nu Cing te innkuan RM300/
John Mungpi te innkuan RM200/
Thang Khan Tuang (Shalom Studio) RM200/
U Philip Mawng (Taungzalat) te innkuan RM150/
Khoi Sian Langh te innkuan RM100/
Khuado Committee
Proposed Refugee Admissions for Fiscal Year 2016
FY 2016 US Resettlement Programe: East Asia pan in mi 13,000 kila leuleu ding hi.Tua lakah Thailand Kawlgam gamgii a om Karen le Karenni te sung pan in 5,500 kila ding a, Malaysia a a om Kawlgam minamneu te sungpan in mi 6,000 kila ding hi. (Minamneu 6,000 sungah ei Zomi te akihel ding hi.
USA in abeisa kumte lakzah leh tukum lakding zah
Refugee Admission in FY 2014 and FY 2015
Proposed Refugee Admissions by Region for FY 2016
Priority 1 (P-1) Mimal thu tawh kisai a kuldiak man a gam thumnatun theihna P1 Program sungah a lutkhate.
Priority 2 (P-2) A hon in a thu tawh kisai a P2 Program tawh gamthumna tun theihna.
Priority 3 (P-3) Gam thumna tungsa te’n innkuan pihte uh a sap theihna, gam khat ah innkuan a kigawm khopkik theihna.
Insurance leinuamte Khuado ni kilei thei ding
UN ngahsa Insurance leinuam peuhmah in Khuado ni Insurance te hong pai ding a counter khat kihonsak ding ahih manin pawisim kawm Chinwoo Stadium ah kilei thei ding hi.
Mimal khat ciang RM140/-
Innkuan mimal 5 ciang RM174/-
IOM sisit khinsate theih ding
USA lengdingte IOM ah navai teng namankhit nak leh thusinna (tintan) hong kisap nailoh hangin aleng dingin nisim ki gingsa in om den in. Thusinna (tintan) kahlo a leng mi pawlkhat omkhin hi.
Insurance Card ZAM zumah hong la un
August, 2015 sunga Insurance lei tengin Insurance Card ngah ta na hihman un ZAM zum ah hong kan un. August kha khit lam a bawl ten Card ngah nailo, ahih hangin na Receipt uh hong tung ta hi.
Na tangthu ciamteh suak hamtang in
Na tangthu pen na interview sungbek ciamteh ding hilo a, gam thumna natun khit ciangzong kizang toto ding ahih manin ciamteh suaksawm in.
Appointment omlopi in UN na pai ding a leh
UN ah nau apding, Card tettantu ding, OPI ah thongkia report ding, vai khat peuhpeuh ah appointment neikhollo a pai ding na hih leh loltheihtawp in lolsawm in. Tua hi kei leh ni khat a sepding zah a cinkhit leh hong lutsak nawnlo ding uh hi.
Tukaal sung ZAM palaai te buaipih diak teng
Kimatna pan tatkhiat theih teng:
Ngin Biak Mung, Singunau (ACR Card tawi), Thang Khen Mang (Tamu), Thang Sian Sang (Tuithang) leh Cin Lian Pau kitan khia thei.
ZAM zumpi pan dahpihna
Tg. Pau Kim Tuang (Kum 29)
Tonzang khuami, Mate beh Rev. Go Khua Thang leh Sianu Cing Suan Lian te’ tapa Tg PauKim Tuang (ZSM-01940, UNHCR: 791-10C04161)in 4/10/2015 nitak in neutung pan damlohna tuamtuam hangin a omna Kota Damansara inn panin Leitung nuntak haksatna nusia in Topa kiangah hong ciahsan hi. Tg. Tuangpi luanghawm tawh anunung hunbawl na 07/10/2015 ni in UPC pawlpi makaihna tawh Shalom Christian Fellowship biakinn Kotadamasara ah a kibawl khitciangin CDK /ZSM makaihna tawh Sunggai Buloh hanmual ah kivui thei hi. Tg. Tuangpi hang aa lungzuang khuangai Siate nupa leh pianpih sanggam te tawh kibangin Zomi zumpi panin ih dah khawm hi. Topa’ hehnep na hong tung ta hen.
Pa Paul Gin Suan Lian (Kum 29)
Tuilangh Khuami, Tamu khua atengbeh, (Pa Kai Khan Gin leh Nu Gin Ngaih Vung) te’ tapa thumna Pa Paul Gin Suan Lian(354-14C05544) lamet lohpi/nakhol hetlo in 07/10/2015 ni zingsang in alupna tung pan Huihdik khamlo natna tawhnawnlo in abawl Topa kiangah hong ciahsan suak hi. Sanggampa luanghawm tawh a nunung hun bawl na/10/2015 ni in St. Joseph RC biakinn pi Sentul ahngeina bangin thungetna akibawl khitciangin ZSM makaihna tawh Sunggai Buloh hanmual ah kivui thei hi. Kawlgam a om a zi leh tano nih te tawh kibangin Zomi zumpi pa’n ih dahkhawm hi. Topa hehnepna hong tungta hen.
Hehpihna tawh hong kanpih un
Pa Kam Thian Suan (Limkhai) October 1, 2014 ni a Mantin pan KL ciah inn hong tunglo in thukizakna bangmah omnawnlo ahih manin a mukha na om uhleh a sanggampa Nang Lam Mung 011 1224 4789 tungah hehpihna tawh hong zasak un.
ZAM ah ngeina puan leh vante hong tungthak
Khuado a ding ZAM zumpi ah ih ngeina Zopuan hoih nono hong tungthak hi. Aki ngahthei van te: Zopuan: a bantawng leh bansau (pasal), Zoniik nam tuamtuam, Puandum, Zodial naikhau (silk), Puanlaisan, Zokhi, Tanghciin, Khephiau, Zolukhu, Zothungkuah, Zodial atuamtuam kingah ziahziah thei ta hi.
Puankhui set kikawm thei
Puankhui set kawm nuam na om uh leh ZAM zumpi ah ki dong thei hi. Kizopna ding : Cii Cing 0111 2828 482
Zomi Card tawite ading nasep
Serdang laidal print na setzung a sem ding pasal citak 4 kideih. Khasum OT tawh RM1400 bang ngah thei ding.
Texas Chicken a sem ding Festival City Mall Setapak ah numei 4 le pasal 2, Jalan Meru, Kelang ah pasal 2 le numei 1, PJ New Town ah pasal 4 ki deih lai hi. Omna pialo vive hi.
Cheras – Sauce bawlna ah pasal pau thei mi 3 kideih.
Kuchai Lama leh 1 Utama ah UN nei waiter sem thei ding pasal 1 tuak ki deih. Omna leh an pia, Khasum RM1200.
Kizopna ding ‘ 012 367 4665/014 225 9458
Lungdamkohna
Nang Mung(Limkhai-Zongal) in Thupuak bawlna ding RM50 hongpiakhia manin ki lungdam mahmah hi.
Myanmar Believers Fellowship in Thupuak bawlna ding RM50 hong piakhia leuleu ahih manin ki lungdam mahmah hi.
ZAM nasepnate tha napiaknop leh lungdamtak in hong kisang ding hi.
Zomi League Result te PDF File sungah kiciantak in ki enthei dinghi.
Note :: PDF tawh na simnop leh
Hih link >>> PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.
Comment piaknop aomleh...