Physiotherapy (Physical therapy)
Physiotherapy pen nidanglai Greek Era of Hippocrates hunlai pek pan in miten na zang khin uh hi.Ci gawlh leh kham damsak na dinga kizang ahi hi.Physiotherapy in a huam pen za peuh mah hi.A lunglut te adingin neekzonna taak khat hi.Physiotherapy Graduate te vaal cih om ngei khollo hi.India gam sung bek tham lo in gampua ah zong sep ding tampi om hi.
Physiotherapy pen a lunglut te adingin nasep hoih mawh lo khat ahi hi.A sinnuam te Physiotherapy degree programme leh hih tawh ki sai kimuhkhawmnate ah kihel zel kuul hi.Life Science, Anatomy banah Psychology leh Social Science lam pan in zong kisin thei hi.A sinman bel upmawh sangin tam zawzen hi.Tua ahihmanin hanciam mah mah kitangsam hi.Physiotherapy pen Master Degree bek tham lo in Doctorate degree ciang kisin thei hi.Master Degree ciang a nei te adingin Physiotherapist nasep nang chance hoih mah mah hi.
Physiotherapy Course pen lawmnih Bachelor of Physiotherapy leh Master of Physiotherapy ah kikhen hi.Bachelor of Physiotherapy pen internship tawh kum li leh a lang sung kisin hi.Master of Physiotherapy bel kum nih sungin ki zo thei hi.Bachelor degree a sin dingin class XII(Biology) te kideih diak hi.Master Degree bel Physiotherapy ah Bachelor Degree a ngah khin ten sin thei ziau hi.Kum simin April kha kiim ciang admission ki hong hi.Bachelor Degree zawh nangin Rs.2-5 lakhs bang bei hi.Central University te ah bel hih sangin tawmzaw sam.A college tawh kizui in fee kibang kim lo hi.Institution khenkhatah Scholarship om banah research a bawl ten UGC pan in Grant ngah thei uh hi.
Physiotherapy pen Games leh Sports tawh aki batna ciang om hi.A kipan baihte a ki pan hakte sangin meet zaw uh hi.A sin sawm vet te adingin kum upat ma khangno lai hun a sin ding hoih pen hi.Mihing taksa omzia, guh kizawp dan leh thagui paizia te thei baih lecin nasep mazang ding hi.Tuate na siam khit ciang bek in paediatrics, geriatrics, orthopaedics leh neurology te theihbeh pan ding hiteh.
Physiotherapist ten Hospital,Nursing Home,Residential Home,Rehabilitation Centre, Private Clinics etc. te ah nasem uh hi.Tua banah Community Health Centre, Primary Health Centre, Fitness Centre, Health Clubs, Occupational health Centre, Special School leh Senior Citizen Centres te ah sem thei uh hi.Khasum pen India gamah Rs.10,000 khawng hi.A nasep uh tawh kizui in khasum bel kibang kim khol kei.A sep tung un khasum tam lo in a siam ciangun a khasum uh zong tam sem sem hi.
Physiotherapist dingin a maitai leh mi hopih siam kideih hi.Mun tuam gamdang nangawn ah sep kuul thei zel ahihmanin Pau siam baih mi lungsim hat zong ki deih hi.Mi tangzang leh thanuam mah mah hih kuul hi.India gama Physiotherapy sinna mun hoih pawlkhat:
1. Pt.Deen Dayal Upadhyaya Institute for Physically Handicapped
2. School of Physiotherapy, SSG Hospital
3. Apollo College of Physiotherapy
4. Nizam’s Institute of Medical Sciences
5. Indian Institute of health Education and Research
6. Patna Medical College
7. Amar Jyoti Institute of Physiotherapy
8. National Institute of Health Education and Research
9. National Institute of Physiotherapy and Communication Disorders
Pau Tun Thang
Comment piaknop aomleh...