China ah numeikhat in sumbawlna in Cobra Sokval gul tampikhawi

China ah numeikhat in sumbawlna in Cobra Sokval gul tampikhawi

China gamsung ah numei khatin Sokval akici “Cobra” gulvom namte tampi khawi ahih manin, ama minpen “Cobra Queen” kiciliang hi. Tuanu mintaktak pen Hu Xiaoxia hi a, China, Chongqing City sungah teengin, ama innsung ah gul tampi khawi hi.

2014 kum akipan gulkhawi akipan ci a, gulbekbek akigawm in 1000 valbang khawikhia khinta hi. Tualak ah atamzaw pen Cobra gulte ahihi.

Zingsangsim in tua gul akhawina inndei sungah lutden in, hahsiangzel a, tuaban ah inndeisung alumna leh akawtna “temperature and humidity” cihte Checking bawlden hi.

Tuaban ah tua agulkhawi te panin “Snake Wine” akici gulpan akibawl “gulzu” bawlkhia hi. Tua Snake Wine pen adiakdiak in Chinese te’n “medicinal liquor” ci’n zatui namkhat in alimzat mahmah uh ahihi. Snake Wine dawnleng cidamsak in hoihmahmah kici hi.

Video: Meet China’s Cobra Queen who lives with 1,000 snakes

Tuaban ah Cobra gul ii avun tezong zuakding in bawlkhiathei hi. Cobra gulvun zong Sen te’n ngeina zatui “Traditional Chinese Medicine” in alimzat mahmahkhat ahihi.

Ahi zongin Cobra Sokval gulte pen agu khauhmahmah in, alauhuai mahmah gulnamkhat ahihi. Lauhuai kihtak huai mahmah himahleh hih numeinu pen nisim in Cobra te anpia in, kemin, akhoiden himawk hi.

Ama genna ah hih gulte pen gunei in, lauhuai mahmah a, hong tukkhak zenzenleh bangci kikepding cihpen ihtheihcian kul hi. Tuaban ah hongtukloh nading in kikepsiam dingpen thupi zawlai hi ci’n genkhia hi.

Snake Wine pen Traditional Chinese Medicine in kum tultampi akizang ngei ahihi. Southeast Asia leh China gamsung Region pawlkhat ah tudongmah Snake Wine pen zatui, thakhauhza cihbang in ki limzatlai mahmah cihi.

More: Kuala Lumpur, Jalan Ipoh aom mawtaw sungah gulkhat kivial venvan

Snake Wine akibawl ciangin thambelpi sungah buhzu ahih keileh adang zu akhauh mahmah tawh gul te koihkhawm in khatampi kidiahcip hi. Mualtan, Sokval gulte ii agu teng zulak ah akidiahdong, akizelhdong kidiahcip cihi. Tua zu pen zatui tuamtuam in Sente’n zangthei uhhi. Hihbangdan Snake Wine pen abeisa China’s Western Zhou dynasty (1046-771 BC) hunpek in azat kici hi. Sawltak #zomidaily