– Topa Zeisu mah bangin zilehpasal nei lo uh hi. A pumpi leh a kha uh Pasian ap ngiat uh hi.
– Nulehpa, innlehlo, sanggam ulehnau, behlehphung leh leitung nopsakna teng nusia in Zeisu nung zui uh hi.
– RC phungzi khat suahna ding pen thu baih hi lo hi. A sin hunsung khempeuh kum 10 val hi.
– Leitung laitaan 10 standard zo lo in phungzi sang kikah thei lo hi.
– Phungzi sangah amau thusin lasin teng banah leitung pilna sang leh Laisiangtho sang zong kah uh hi.
– RC phungzi khat pen a niam pen in leitung laitaan B.A peuhmah a zawh loh phamawh a, Laisiangtho ah a niam pen B.Th leh Philosophy a zawh loh phamawh hi. Tua banah amau ukna leh a kisapna tawh kizui in Master Degree leh Ph.D a sin to uh hi lai hi.
– Amau pen leitung laitaan 10 standard zong zo mel lo a Doktha ngah or Laisiangtho Degree sangpi ngahte hi lo uh hi.
– A tawm pen in Mangpau, Latin, Greek, amau omna gam a kizangh pau, amau minam pau cihte a siam loh uh kiphamawh hi.
A tomin tua zah ci pak ni. RC phungzi khat pen Pasian ading a kipiak khiatna uh tehpih theih om lo a, a pil a siamna uh banah a laitaante uh zong maimai lo hi. Leitung thu vantung thu ah neu et or simmawh bawl theih hi ngiat lo uh hi.
Zahtaakna hong pia ingh.
Zomi Quavadis
Comment piaknop aomleh...