Malaysia, Perak ah Kawlgammi 2 kitawng in, khatpa temta tawh dawtlup thuak
Malaysia, Perak State sungah nasem in aomkhawm Kawlgammi 2 kitawng in khatpa dawtlupthuak cih theStar pan kiza hi. Perak State sung aom Pusat Bandar Fasa 2 ah Sunday ni in thupiang hi a, Malaysian Police te’n adawtlum Myanmar National pen azonsan laitak ahihi.
Kerian District Police Chief, Supt Omar Bakhtiar Yaacob kicipa in agenna ah hih buaina apianhun pen Sunday 12pm leh 1pm kikal hiding cihi. Asi Kawlgammi pa pen Nyi Tun Oo kici a, kum 32 aphakhin khat ahihi. Aompih Housemates te’n Nyi Tun Oo pen sisan tawh kidiahcip in inndei sungah mukhia uh cihi.
Palik te’n akankhiatna ah hihpa pen aompih Kawlgammi mah ahi Zaw Naing kicipa in adawtlup hiding ci uhhi. Nyi Tun Oo tawh kitawng uh ahih manin Zaw Naing in anhuanbuk sungpanin sasemna temta khat manpah a, aki dawtlum uh hiding ci’n palik te’n genkhia uhhi.
Zaw Naing zong kum 32 aphakhin khatmah hi a, alawmpa a gawl panin adawtlup khitciangin avanzat temta tawh taimangin bucip hi. Tua atemzat pen Government Agency Office mai aom hawkguamsung khatpan in ki mukhia cihi.
Hih asipa pen Malaysia atunzawh kha 2 khawngbek hipan ci a, Parit Buntar kicihna aom Factory khatah nasem in aom ahihi. Adawtlumpa leh adang Kawlgammi pawlkhattawh akigawm in mi 8 innkhat sungah aomkhawm uh ahihi.
Tua aompih Kawlgammi tezong Malay pau leh Mangpau atheician omlo ahih manin, Malaysian Police te’n hih kithahlupna vaitawh kisai in bangmah thu hoihtak dongcianthei nailo uhhi.
Dawtlup athuakpa ii aluanghawm pen Ipoh aom Raja Permaisuri Bainun Hospital ah kipuak a, Postmortem kibawlding, aluang kikhei in sitcianna kineiding cih kiza hi.
Adawtlumpa pen taimang in bucip ahih manin, aompihte thudot thuaktoto photdong uhhi.
More: Malaysia, Kelantan sungah H5N1 Bird Flu ki mukhia
Hihpen Sunday ni thupiang hi a, azanni Saturday ni inzong Johor Baru aom Kawlgammi nasem khatin Malaysia gammi tekhat temta tawh dawtlum cimawk hi. ZD Sawltak #zomidaily
Comment piaknop aomleh...