Korea gam khanlawhna etteh huai

Korea gam khanlawhna etteh huai

1. Korea cih kammal= Zingnino suak banga nopna mun.

2. A mimalin million 55 om.

3. Sak leh khang kikhen.

4. Khanglamah million 38.3 omin, tua lo teng sak lam.

5. Japante’ khut sungah 1910-1945 sung om-in nakpi gentheihna thuak uh.

6. Khanglam gamte’ sung panin Pawlpi 2500 om uh.

7. Lai Siangtho sin theihna sang 100 bang om; kum simin mi 10000 ta in zo khia tawntung.

8. Hih Pawlpite kuama’ tungah lamen lo-in, amau-le-amau kivakin, kikemin, amau sung mahmah panin kidinpih toto-in, amau mahmah khantoh a sawm minamte hi.

Hihzah ciangin a khantohna uh a thu a kikan ciangin, Dr.Marlin L.Nelson in hibangin dawng:

“Kha thu lam, leitung ki-ukna lam, hauhna lam, minam kikepna lam, a tuamtuam panin Pawlpi khangto thei dingin tha hong piang khia hi” ci-in a gen hi.

A gambup kalsuan dan:

* Pawl lungsim neilo uh; Pawlpi tuamtuam om taleh Pasian bek mitsuan kim uh!(1Kor 3:6-7).

* Thunget kikhop khangto tektek!

* Lai Siangtho sim’ ding uuk tektek!

* A mipite mahmah in Lungdamna thu genkhiat ding uukin, lawp!

* Lai Siangtho bulphuh diakin thu gen,(Biblical Preaching)!

* Sum, a hun leh talent zatna ah thuman!

* A dang bawlsiatna hong tung kik kha ding cih kihta khol uh!

* Nasep thanuam mahmah tek uh!

* Lungdamna thu gen ding, ngai dingin a lungsimte uh ki hong!

* Kumpi nasem, palik, galkap, thonginn, sangnaupangte’ kiangah, nasepna phual tuamtuamte ah Pasian’ thu makaih kim uh!

* Pawlpi nasep nadingin a sumte uh piakhia nuam!

* A minam ngeina leh khanglui biaknate uh paampaih pah lo uh!

* Lungdamna thu tangkona leh nungzui dingte Pawlpi sung mahmah panin tha pia uh!

* Korea gam pen Khristian gam den dingin ngaihsun den uh!

* Pasian in Israelte a sap bangin, Asia gam aadingin hong sam hi cih kibulh vinven uh a, leitung mahmah ah zong midangte’ aadingin hong zang nuam hi cih, kitelna nei pah phot uh hi. (TBA thu kizakna,”Pawlpi” cih sung, 10 Oct 1984). Tdkhen