Donghu: Heart Attack ngah khat huhna ah ahoih zasanvui

Donghu: Heart Attack ngah khat huhna ah ahoih zasanvui

A zenzen na omna, na kim napam ah mikhat Heart Attack ngah in si dekdek in a om leh hih ding theilo liangin om in zato puak tunma ahkl doctor te hong tunma in hih thu danin sem lecin nuntakna khat ki honkhia zothei hi.

Mikhat heart attack ngah hi ci’n na theih phet in amanlang takin zasanvui ngahtheih nading hanciam in. Zasavui sikkeu khat le tui haikhat tokpawi inla tua mipa tulh in. A zenzen in tua mipa in khua aphawk lai ahih leh a leinuai ah zasan panin akingah zasan thau (Tabasco) tak 2 tak 3 khawng taksuk in.

Zasan sung a kihel Capsaicin akici cyclic compound te in sipaina huipi (artery) le siciahna hui (vein) te kihongsak/golsak ahih manin Heart Attack suksiatna dingpan dalzo hi.

Nuntakna tawh kizawi thu ahi manin zasan a thakna zong gentak ding thu hilo hi. Tua hi a, zasan a zanglo mite, innkuante in zong zasan pen kepding kilawm donghu zatui khat hi cih theih dingin kong suaksak uhi. Zingsol thupuak

Asa athak meh namte in mihing khan sausak tuam

Asa athak meh nam khat ahih zasan te in natna hong dal thei in mihingte zong hong khansau sak zo hi ci in scientist te in zusa tawh asin khit uh ciang hibang in gen uh hi.

Ganhing te sung ah natna aphawksak ahi TRPV1 akici protein apiansak zawhlohna hangin akhan uh asau sak tuam hiding in um uh hi. Ganhingte pen mihing te sang cidam zaw uh ahihman in mihing te sang 14% khansau zaw uh hi ci in scientist te in gen hi.

Tua ahiciang in ana ih phawk theih nading aa ih khuaksung ah athupuakna akhaktan zo zasan nam ahih asa athak meh namte ane te pen akhansau zaw thei hi. Tua ban ah tuabang aa nekna in thau luatna le sikhum zunkhum natna zong hong dalzo hi ci in scientist khat ahih Andrew Dylan in gen hi. Ref: Internet Peter Suumpi Source: Zingsol