Saudi numei te’n mawtaw bekthamlo, Motorcycle zong hawlkhuan ngahta

Saudi numei te’n mawtaw bekthamlo, Motorcycle zong hawlkhuan ngahta

Saudi Arabia gamsung aom numei te’n Truck leh Motorcycle tezong hawlthei tading hi ci’n Official te’n genkhiata uh cih AFP pan kiza hi. Abeisa kha 3 hunlai in Saudi Arabia kumpi thunei te’n numei te mawtawhawl kikhaamcip nawnloding hi ci’n agenkhiat khitzawh, Truck leh Motorcycle te hawlkhuan akipiato ahihi.

Abeisa September khasung in King Salman in phalnalai Decree khat khahkhia a, Saudi Arabia gamsung ah numeite’n mawtaw hawlkhuan ngahtading uhhi ci’n apulak khiatsa ahihi.

Hihvai tawh kisai in “Saudi General Directorate of Traffic” in Friday (Dec 15) nitaklam in zuihding thukhun “New Regulations” apulakkhiat banah numeite’n mawtaw ahawlding pen ki khaamcip nawnlohi ci’n genkhia cih Saudi Press Agency te’nzong pulakkhia uhhi.

Saudi Arabia gamsungah numei tezong pasal tetawh akibang, akikim in mawtaw hawlkhuan kipiatading a, mawtawneu tebekthamlo, Truck mawtawpi leh Motorcycle tezong hawlkhuan kipiading hi ci’n genkhia hi.

Tuabek thamlo, numei te zatding in mawtaw Licence Plate atuamin kibawlsaklo dinghi ci’n genbeh hi.

Leitung gambup ah numeite mawtaw hawlkhuan apialo pen Saudi Arabia gambekbek cizen hi. Tuabang in aki khakcip, Conservative Kingdom in akiciamteh Saudi Arabia gam nangawngzong hongki hongkhia tasam hi.

Video: Saudi king issues decree allowing women to drive

King Salman in numei te mawtaw hawlkhuan apiakpen lamdang kisaliang a, tangthu sungah athupi mahmah khentatna “historic decision” lianpi khat hi ci’n kigentek hi.

Saudi Arabia gamsung aom numeite pen aki khakcip phadiak, aki ukcip phadiak ahihi. Numei khat sang akahding leh apa, apasal, asanggam pasal cihbang pasal khattektek in thukimna apiakloh buangin sangzong kahtheilo cimawk hi. Akem acingding pasal khat kisamsak tektek uh a, Guardianship System alimzat mahmah gamkhat ahihi.

More: Mopawi bawlin Motorcycle 100 valtawh khuasung ah ki vakpih

Sangkah bekthamlo, numeite khual azindingciang ahi zongin, innpualam ah vaikhatpeuh tawh Activites khatpeuh aneihding ciangin innkuansung pasal khatteitei in atheihpih kulsak uhhi. Tuaban ah numeite pen innpualam avakkhiat uhciangin alu panin akhedong puantawh tuamciksak tektek uhhi. Sawltak #zomidaily