Mizawng nam leh Mihau nam kilamdanzia thu (7)

Mizawng nam leh Mihau nam kilamdanzia thu (7)

I. Mizawngte in Melmuh Tongsan en zel in, mihaute in Laibu sim zaw uh hi. Hun beizah kibang tektek hi napi-in Melmuh Tongsan etna leh Laibu simna pan khantohna i ngah zah pen van le lei bangin kilamdang hi.

II. Mizawngte in nasep hun tawh kizui-in sum ngah uh a, mihaute a hun sangin nasep i a gah tawh sum deih zaw uh hi.

III. Mizawngte in amau tuahsiatna pen midangte mawhsak uh a, ahi zongin mihaute in ahih leh amau sup le bai tungah vaipuak la ngam hi.

Na tuahsiatna, na zawnna na ngauna pen midangte hang hi lo hi. “Kumpite, sumbawlna, veng leh paam, “Hua ka sanggampa/nu”, ka makaite hang hi” na cihcih lai leh khantoh gim naam nai lo hi teh. Tua sangin, “Kei mahmah a kisam pha zaw hi vengh aw, keima gitnat lohna hi zaw” na cih ngam masiah khangto lo ding hi teh. Meidawi na hi den lel ding hi.

IV. Mizawngte in sum khol ding bekbek ngaihsun in, mihaute in sum meetbawl ding ngaihsun den hi.

Sum khol ding bek ngaihsun in, a khol den bek te pen zawng zaw lo na pi-in hau ngei lo ding uh hi. Na hauh nop sum khol ciang bek ngaihsun ken la, meet bawl ding ngaihsun in geel hamtang in.

V. Mizawngte in vai khempeuh a thei gai dan in om uh a, mihaute ahih leh a tawntungin sin (learn) uh hi.

Mizawngte in thu khempeuh athei dan in, biakna vai(religion), gam vai (politics), sum lei sum zuakna (economic) leh vai tuamtuam ah amau muhna gen khiat ding bekbek lawp in, sin thuah ding lunglut lo uh hi. Mihaute in ahih leh a theih loh uh tampi om lai ahih lam kitel in, mite thu dong in, mite thugente limtak in ngai uh hi.

VI. Mizawngte in ‘Sum/ dangkaa’ pen ‘Siatna namkim kipatna’ in um uh a, mihaute in ahih leh ‘Zawnna’ pen ‘Siatna namkim kipat khiatna’ in mu zaw uh hi.

Sum pen amah bek om leh nuntakna nei lo hi a, ahi zongin a neite i zat dandan in gamtang thei hi. Sum neih loh luatna in, buaina, maizumna tuamtuam piang sak thei veve hi.

VII. Mizawngte in kamsiat/ kamphat um mahmah uh a, mihaute in amau sep zia, asep zawh tan muang uh hi.

Kamphat (Lucky hoih) leh hau ding, tua te-hi te sem ding cih pen mizawngte lam-etna, upna leh a gen mun zel uh thu hi a, mihaute in a hauh semsem nading un kamsiat/ kamphat tawh vaihawm lo in tuadan lungsim zong nei lo uh hi. Sep zia ding geel in, sin in, hamciam in sem uh hi. Phualva Lungtuak Media/ danlok.com