Abeisa kalsung in London Bridge tungah migilo “Assailants” 3 te’n mipi lauthawngsak nadinglel in akawng ah “Suicide Vest” thuahpongmawk uhhi. Tuapen apuakkham theitaktak hihetlo a, “Fake Suicide Vests” ahihi.
Tuithawlbung khawngpeuh savun kawnggak tungah henkhawm in, mipi lunghimawh nadingin akineih uh ahihlam pen tua Photo te Sunday ni in London Police te’n khahkhia uh cih AFP pan kiza hi.
Hihvai akankhia makaipi ahi Police commander Dean Haydon in agenkhiatna ah hihbangdan Tactic pen UK gamsung ah kamukha ngeinai keihi. Khuasung mipite lauthawng sakgawp nadingin apuakkham theilopi vanpawlkhat athuah liapluap mawkmawk uh ahihi ci’n genkhia hi.
Tua mipi lauthawng nadingin abawltampak uh Silver leh Black Tape tawh atuamcipsawn uh Fake Explosive te ii Photographs pen khahkhia uh a, si abuanzong pawlkhat ki muthei hi.
Dean Haydon in agenbehna ah London Bridge ah akibuaini pen zanlam himawk ahih manin, hih te amukha peuhmah in ataktak samawk uh a, ki lauthawng mahmah hi. Hihbangdan ataktak ahilo kawnggak banghang gak uh ahidiam. Mipi lunglau sakgawpding maw, ahih keileh hih athuahna hangin aki kapluploh nadingin kidalna in atuat uh ahidiam cihpen ki theicianlo hi ci’n Statement ah genkhia hi.
Tua nitak in London khuasung abuaisak mi 3 tepen Khuram Butt, Rachid Redouane, Youssef Zaghba cihteng ahi uhhi. London Bridge tungah mawtaw khattawh mi ommuang teng aphutsakgawp khit uhciangin temta tawh adawt manman uh dawkgawp uhhi.
Tuanitak buaina hangin mi 8 takin sihlawh uh a, adangzong mi 48 bangin liamlawhgawp uhhi. Migilo 3 tezong asawtlo in London Police te’n kaplumpah uhhi.
Video etnopleh: London terror attacks: Timeline of attacks at London Bridge and Borough Market
Hih buaina hangin London Police te’n mi 20 thusitna neihdingin mankhia uh a, tualak ah mi 7 pen Sunday nidong kikemsuaklai cih kiza hi. Sawltak #zomidaily
Comment piaknop aomleh...