Tulsa: Guah Nunung Crusade kizom toto hi

Tulsa: Guah Nunung Crusade kizom toto hi

A zahtak huai Nu leh Pa, Lawm leh Gual aw, Pasian hong thukim pihna a om bangin Crusade pen zan khat ki man khin a, tu zan leh zingciang ki nei lai ding hi.

Crusade speaker pen Dr. Kam Cin Hau (Sia Kam Hau) hi a, thugenna te ah kha om pihna ki mu in, nuam k i sa mahmah hi.

Bulphut Lai siangtho: Amos 5:4

Tu nitak 7:30pm teh, Rivergate Church mah ah ki nei to suak dinga, pawlpi tuamtuam pan, saturday program nei ten zong khawl bawl phot in, crusade ah ki pai sawm ciat ahih manin lawp huai mahmah hi.

Zingciang Sunday teh, 2pm kawlhun leh 6pm ah crusade ki zomtoto suak dinga, MCC biakinn (Victory) ah ki nei ding hi. Akua maciat ki zawn in, pai sawm ciat ni.

Gup ngah nailo te ading, kha lam ki lamthakna a dingin, haksatna leh lamet beite adingin Pasian thupha in khuapi guahzu bangin hong buak suk ciat ta hen. Amen Zahtakna lianpi tawh, MCC Media