Kuala Lumpur, Bank Negara Station geiah meilengkhat kibung, meileng ziakaicip

Kuala Lumpur, Bank Negara Station geiah meilengkhat kibung ahih manin meileng ziakaicip

Malaysia, Kuala Lumpur khuapisung aom Bank Negara Station meileng khawlna geinai ah KTMB te meileng khat kibung leplap ahih manin, Klang Valley sungteng meileng pawlkhat taitheilo cih NST pan kiza hi. Keretapi Tanah Melayu Bhd’s (KTMB) te’n Twitter Account tungtawn in agenkhiatna ah hih meileng akibut pen tuni zingsanglam 5am hunpawl cihi.

Tua meileng pen Sogo Shopping Mall ii agallam aom Bang Negara Station geinai ah apei pialkhia ahih manin, KL Station, Bank Negara, Putra, Segambut cih Station te ah meileng luttheilo a, khuasungmi meilengzang Communter tampitak nawngkalsak tuamhi.

Hih akibung meileng pen mipuakna hilo bilbel in, vanpuakna Cargo Train khat ahihi. Ahi zongin lampi khakcipmawk ahih manin, Klang Valley sungteng Rail Services tampitak nawngkaisak mahmah hi.

KTMB Train Services tezong Station khempeuh nawkthei nawnlo ahih manin, Tanjung Malim – Kepong, Port Klang-KL Sentral, Tampin/Seremban-KL Sentral, Batu Caves – Sentul cihtengbek ah ki taisakphot hi.

Tua ahih manin KTM zanglozaw in, MRT tawh Sungai Buloh, Kajang, Muzium Negara, Pasar Seni cihte ah natuangzaw un ci’n KTMB thunei te’n zasak uhhi.

Video: Rail services disrupted as cargo train derails at KTMB Bank Negara station

Electric Train Service (ETS) atuang Passenger te ahihleh MRT tuangin Sungai Buloh Station dong kituangthei a, tuapan in ETS tawh painading Destination mun kizuan theiding cihi.

Batu Caves – KL leh Sentral – Sentul Lane atuansawm Passenger tepen Bus Services ki vaihawmsak in, Sentul leh KL Sentral Station te panin Bus kituangthei cihi.

KL Sentral azuanding Passenger tepen Sentul Station mai ah Bus ki ngaksak cih kiza hi.

More: Kuala Lumpur khuasung ah “KTMB Cargo Train” vanpuakna meileng khat tuahsia

KTMB te’n hih meileng kibutvai tawh Repair Works kibawlding a, Operation pen angei abatkik nadingin ni 2 pan ni 3 sungbang hun latheiding ci uhhi. Information Update atheinuam te’n KTMB’s Twitter Page ah ki entheiding ci uhhi. Nungdiak August khasung inzong KTMB te ii Cargo Train khatmah tuahsia ngeikhin hi. Sawltak #zomidaily