Kuala Lumpur khuasung ah “KTMB Cargo Train” vanpuakna meileng khat tuahsia

Kuala Lumpur khuasung ah “KTMB Cargo Train” vanpuakna meileng khat tuahsia

Malaysia gamsung ah Monday tuzingsanglam in vanpuakna in akizang Cargo Train meileng tuahsia ahih manin, adang meileng Service ahi KTM Komuter leh ETS Services tezong nawngkaisak tuam cih NST pan kiza hi.

Jalan Kuching geinai ah tuzingsang in Cargo Train apei pialkhia ci a, tuahang in Port Klang leh Batu Caves Routes atai adang meileng te zong ziakaisak, nawngkaisak tuammahmah hi.

Tua atuahsia meileng pen Keretapi Tanah Melayu Berhad (KTMB) te neihsa meilengkhat hi a, KTMB Customer Service Response Unit te genkhiatna ah zingsang 1am hunpawl in Kepong sungah apei pialkhia in atuahsia cihi.

Hih KTMB Cargo meileng pen akigawm in 10 Carriages apha hi a, asungah innlamna in akizang Cement apua ahihi. Simpang Batu panin Cement adimin puasa in hongpaikhia ahihi.

Video: Cargo train derails, KTM Komuter and ETS services disrupted

Port Klang leh Batu Caves kikal KTM Komuter services teng nawngkaisak in, ahunngei sangin Minute 30 peuhmah ziakaisaktuam kici hi.

Ipoh leh Padang Besar kikal atai ahi Electric Train Service (ETS) tezong apaikhiat hunding Original Schedule sangin ziakaituam mahmah hi.

More: US ah Amtrak meilengkhat New York Penn Station ah tuahsia

Hih meileng tuahsiatna vaitawh kisai in ahunhun in Update hongki suakkhiasak zelzel dinghi ci’n Spokesman khatin genkhia hi. Asi aliam bangmah genkhiatna omnailo hi.

Athu ala akin theihnuam te’nzong KTMB Customer Service Center at 03-22671200 ah ki hopihthei cih kiza hi. Sunday ni inzong Kuala Lumpur Station leh Bank Negara Station kikal ah KTM Cargo Train khat apei pialkhia in tuahsia cih kiza hi. Mihing puakna KTM, MRT, Monorail cihbang Passenger Train te hilo ahih manin phadawm hi. Sawltak #zomidaily