Na Nu tungah kamkhauh zangh kha kei in

Na Nu tungah kamkhauh zangh kha kei in

Mipawlkhatte in i nute’n hong it mah ding hi a sisan sungpan a piang a tate hihang,ahihkeileh bang hang hong-itlo dingpi in hongbawlse ahihiam, ipaten hong-it taktak zawcihbang in ngaihsutdan, sandan atuamtek in kinei a ahizong in ataktak in inute hong-itdanlungngaipha le hang Ipate sang banglo khat ihih khak ding patau zaw ban ah sawt hong-keem zozaw a hong cimtaak ngeilo in hong maitai tawntung hi. Leitung ah thutuamtaumpi-ang in Nu pawlkhat bang in atatethat ahihkei leh taisan pasaldangbelhsan ahihkei lehzuak, annngolh, mipia cihbang in thukizakawikawi himahleh ataktak in tuate thukankikhilehang atate uh itmahmah mahhi uh-a ahizong in asunguhah dawigiloten naseemahihman in tuabang a agamtakha uh ahihi.

Mibanglo phial in poi, pau theilo, khuttawng khetawng in polphikpheek taleeng zong a mituh ah midangte ta kheempeuh sang hoih ong sapeen in hong zutzut nuam uh a lokuansingpua, lunggim sintawl in a omlai nangawn inzong hongmuhuhciang atawl uhdam inhongnamnam hongnono hongtawptawpnuam uhhi. Kam khat ipau ciang a sinlung a lung-tang uh vut in a dipngeek uh zen a, lungdam lua hong-it, hong ngailua kisa in kap kha dek-tak liang in na thuak tawntung uhi.

I gil kial khak ding lauthawng den ahihman un I kahdong phial in ann hong baak, hong pia uh a tanukna ahihkei leh a vaaksuk a vaaktohna uhah neektheih limci khat peuh a muh uh ciang ka ta in duh in teh cih ngaihsutmasak in neiuh-a ne ngamlo in a duhlo bang in a khutsung uh ah hong hum tinten in hongpuak uh-a“nu aw, nang zong ne in’ cihding nangawn I theihloh hang hong maisak uhi. Mi lawn mikhoih dingzong hong deihlo hong phallo in hong velvel nuam uh-a bangmah thei nailo Ineulai in kapkap kibawlbawl taleng hong hua, hong cimtaaklo in I lungkim dong lungduai-tak in hong zol, hong khim in a ngaihsutna lianpeen uh tawh hongngaihsun uhi.

Mitawh Ikitot khak ciang nangawn in mihai bang liang in khialzaw taleeng hong-it luatman in hong-gum uh-a, mikhel migilo tan lawhden uhi. I ihmut kaal in thupha hongpia uh-a thuhongngetsak tawntung uhi. Minuai i om ding hongdeihloh man un I nuntaakna ding nisim inlungkham tawntung uh a gawn lawh liang uhi.Atawntung in i aw i kammal hong za nuam, hong lam en den uh-a a mit uh tawh hongenen nuam uhi. A annhuante uh “nu na annhuan limlua, siamlua teh” i cihding hong lamentawntung uhi. (Tuabang in na nu pahtawina, phatna kammal khat na pau khaak ciang nakhan kum 10 kibehlap a, phunsanna, zahkona kammalkhat na pau khak ciang na hatangkhat atok hipah hi).

Hihzah a hong it a hongkem i nute kamsia, kamkhauh tawh i hokhak ciang a lametna uh tawh kilamdang sa uh-a hong it luat man a a ngeek niknek alungtang uh naak khaaklua ahihman in khasia nehno uh-a tua peen hong piak nop ahihhetloh hang ei a ding gu hongsuak hi. Nute kep khang cingsa numei khat khawng tawh nanu’n hong vaak, hong khoiliat khit ciang na nu tung a kilawmlo kampau kha ahihkei leh nanu simmawh bawl-in kam khauhtawh na hokhaak leh ngasa gubuah nabang ding hi.“I leitung Pasian ahi i nu leh i pa, Pasian deihna tawh kituak in zahtaak inpatawisiam masa ni. Tua hileh i daupai ding hi.

Thang Khawm Pau ZOMi
1009 Bryant Way Apt B
Bowling Green , KY, 42103
USA