I annekte gawivui in ne lehang i phattuamna dingte ~ Hang Cin Hau
Zomite kum 600-800 kiim itangthu kithei thei hi. Tudong mah igam ah an khamding pian’sakna ding haksa kisa mahmah hi. Sum ngahna ding nasep kician tudong omnailo hi. Zogam ah factory (setzong) khat zong omnailo hi. Tua haksatna hangin azin leh alal-in kithapai hi. Zomi mipil, milian, mihau, tampi ih omkhit hangin mizawng nautangte’ annekzia, huanzia phattuamna ding agengen, a-atat, asinsak makai izak ngeisa tawm mahmah hi. Rev. Tuang Khan Kap in hilh-in sinsakna neingei hi. Hih pen thupi mahmah a zatpahtheih ding ngaklah mahmah hi hang. Ataktak mipil, milian, mihaute in imite hehpihna, deihsakna nei hetlo hi hang. Zomite leitung bup itunlohna gam omloding hi. Imuh itheih bel omngel khasam ding hi.
Izattheih ding abaih pen aki-olngahthei pen ih annek
Zomite in ih annek vaimim, taang, kawlmim, buh leh mangbuh Zogam ah piangnuam mahmah hi. Vaimim manpha QPM zong Tualzang khua ah sin uh a hoih hi ci hi. Hih vaimim pen manpha-in mihaute’ nekte hi kici hi. QPM=quality protein maize.
Inekding ante gawivui masa in
Na gawivui ma in sawpsiang, phokeu kik in. Igawi ciangin ahol, avai, vainel paihkhiat omlo-in ih ante hong nemtuam pah hi. Ahol kipaikhialo ahih manin vitamin tawh a nekhawm ihi aa vitamin anene suak pah hi hang.
Antang te ah a vitamin om hi. Paihkhiatlohin akinethei suak hi. Ih ante lomthawsaklo suakpah ding hi hang.
An ihuan ciang minbaih ahih manin, sing, tui, anhuan hun nemtuam, sepna bawlna baih, phattuamna tam mahmah hi.
Anhuan zia le nekzia ding
Mivomte’ anhuan danin sikbelsa tawh emding, sathau tawh kangding. Tampipi inekloh hang in gilkialhakin igil zangthikthek hi. Bang hangin gilkialhak hiam cih leh, a vitamin tawh kinekhawm leh gawivuisa ahih manin gilpi in gawizanna olsa hi. Khuhkheu mohdan ahi zongin anam tuamtuam tawh bawl sinsin lel in.
Kua nekzia huanzia olpen ding hiam?
An haksa sa-a acilnek mivomte’ huanzia nekzia pen zuih olding aa zangtheibaihin phattuampih baihpen ding hi hang. Amau be meh leh niangphan hai khat bang tawh ne-in pheng 1,2 tawh gil vahthei uh hi.Tui tampi dawn uh hi. Be namte tampi nezo le hang sa a nene tawh kibang hi. Meh anteh tam nekna in ci damsak hi.
Singapore leh America a ka muh ante
Singapore nihvei pai-in mi’ annekte ka lim et mahmah hi. Asia mite’ sung ah zong buh tawmnek pawl hi uh a Kawlgam danin buh tampipi nelozaw uh hi. Buh hai khat ii ¼ khawng bang bek ne uh hi. Zomite in an tam nelua mahmah hi hang.
US ah buh ne hetlo-in meh balnekin tampipi ne uh hi. Singgahtui, singgah, anteh tam nek uh hi. Mexican mite in be tamnek uh a a tha uh bialin thahat uh hi. Mikangte in vaimim a gap aa nek leh moh aa bawl’ vaimim nam tampi nei uh hi. Singgah leh a tui an-in mangthei uh hi. Tui tam dawn uh hi.
Zomite’ ading in Mivomte’ huandan nekdan zuih olpen ding a, ih ante hong nemin cidamna tawh kituak ding hi. US ah zong mohpheng bawlsa aa kizuak an tam mahmah hi.
Kei mah in hih mohphengte ne in ka zath kum 1 ½ bang hita hi. Buh tam nekna in zunkhum piangsak hi. Thupi sa aa a lunglute in hong dongh un. Moh ATA vaimim nek pen annek khit gilpi giklo-in zangthikthek hi. Gil kialhak zawtham hi. Na nekkhit, sun na gilkial kuan ciang tui dawnzel in. ATA moh phengin ne lehang ikhawhsa Zogam a piang vaimim kikham thei phialta ding hi. Kisinhuai, zathuai sa mahmah ingh. Hang Cin Hau
Comment piaknop aomleh...