ZOMIA – I zak ngeina sang a zaizaw Zogam, Zomi a kitap leitang min

ZOMIA – I zak ngeina sang a zaizaw Zogam, Zomi a kitap leitang min

(Malay mite tengna gam- Malaysia, Indo mite gam pen Indonesia, Combodia cih bangin in South East Asia a om gamte min pen –ia tawh kikhawlsak hi. Zomi te ten na gam pen Zomia a kici a hi ding hiam? Hih Concept en khawm in kikum ni. Keimuhna mawkmawk)

Zomia cih kammal pen leitangmun ciaptehna (gam min), geographical min hi a, 2002 kum in University of Amsterdam a khangtangthu kan (Historian) Willem Van Schendel in a piak minthak khat ahi hi. Tua gam in Asia nisuahna khanglam gam leitang bakpi tungpan gamkuam golpi le a tam mahmah mihonte bulphuh in a gen ahi hi. Tuami te in mimaltamna simgam zangtam leiniamna mun bulphuh in hong piang ukna thunei gamuk kumpite vaihawmna pualam ah khangtangthu kiciantak tawh a om mite ahi uh hi.

Kammal Hong Pianna le a Khiatna

Hih gam min pen Zomi pan a kila hi a, India, Bangladesh-Burma gamgi dung a teng Tibeto-Burman kampau a zangmite sungah khamtungmi (or) mualtungmi (Highlander) ci in a amaute kawmkal ah a khiatna a kikhiathei kammal ahi hi.

Mun le Mual Huamzia

Zomia gam ading gamgi pen laisinmi (scholar) khat le khat kikal ah kibangkim lo hi. Ahih hangin tua khempeuh in a huamsak a kibangkimna mun in Indochina saklam gam ahi Vietnam saklam gam le Laos gambup, Thailand, Kawlgam saklam a om Shan mualdung, Sengam nitumna khanglam gam a a om mualtung gamte kihel hi. Pawl khat in nitum na lam pan in Tibet, India nisuahna saklam, Pakistan le Afghanistan gam a om mualdung munte dong kihel sak hi. Hih munte a kibangna in mual le guam dim a tanzaulo a sangto mun vive hi a, minam neu mitawm pawl vive hi-in, ukna gam (state) te zekna le depna tawh a kigamla dingin in tengin a khuasakzia le ngeinate a manglo ding kem cing uh hi. Laisinmi tampi tak in Asia nisuahna khanglam gam kumpite in hih minamte bangcih ukin vaihawmna pia hiam cih tawh kisai thukikupna ah zong Zomia cih kammal lim zat uh hi.

Zomia gam in 2,500,000 square kilometres val a zai Southeast Asian a om mualdung mualdawn teng huam a, tua sungah gam nawl gam gi mual dawn a teng mipi million 100 kim om hi. Gam khat bangin kizom in gamlim kisuai thei mun hi a, Asia nisuahna a om gam 8 i gamnawl gamgi munte ahi hi. Kim le pam a nuntakna nei (ganhing & singkung) nam tuamtuamte hang le ukna gam (state) tawh a kizopzia te uh hangin sin ding le kan ding a beilo a lunglut huai mun khat hong suak hi.

More: GZA, Zomi Maikai le Kipumkhatna ~ Zam Thuam

Zomia Concept hong tangzaina

Yale University pan Professor James C Scott in Zomia Concept pen 2009 a a gelh The Art of Not Being Governed: An Anarchist History of Upland Southeast Asia cih laibu sungah hong helna pan in Zomia cih kammal le thupomzia pen leitungbup in hong theihpih kammal hong suak hi.

Ref: Wikipedia
Ka hih theihzah hi ciang hiphot ei guai. Hong kan in hong behlap beh vo. Zam Thuam