Malaysia palik mawtaw khatleh Bus khat kiphukha, palik 2 liam

Malaysia palik mawtaw khatleh Bus khat kiphukha, palik 2 liam

Malaysia, Serdang vengsungteng avak kawikawi palik mawtaw khatleh Express Bus khat kiphukha ahih manin palik 2 liam cih theStar pan kiza hi. Police Patrol Car pen North-South Expressway lamzikpi tung KM171.2 ah aom laitak in Express Bus tawh aki phukha ahihi.

Serdang Fire and Rescue Station te genkhiatna ah tuni Friday nitaklam 5:50pm hunpawl in huhngetna Distress Call hongkisam in, ahuhding in Team khat aphual ah ki paisakpah cihi.

Firefighters te aphual atun ciangin palik 2 tepen mawtaw sungah awkcip uh a, mawtaw pen limsiat mahmah hi. Express Bus tungah atuang Passengers te leh ahawlpa Driver tepen bangmah liamna omlo cihi.

State Fire and Rescue Department operations centre head Supt Mohd Naim Mat Jaaffar ii genkhiatna ah Policeman khatpa pen akawng sungteng nakliam mahmah cihi. Akhatpa ahihleh akhutbek liamin huaisiapi hilo cihi.

Related: Mawtaw agu pasal nih akidelhna panin mawtaw kitaih in palik te’n liamlawh

Palik atuahsia 2 tepen Hospital Parit Buntar ah zatui bawlding in kipuak cih kiza hi. ZD Sawltak #zomidaily