Bang mu na hiam?

Bang mu na hiam?

Mihoihna a mutheite a sungah tua hoihna om a hihman a hihi. Misiatna bek a mu den te zong a sungah tuabang siatna om a hihman a hihi.

Mikhat tung a na muhteng pen na sung a om teng a hihi. Na sunga hong om ding tengzong a mu kholkhol na hihi.

Mikhat peuhpeuh a siatna pan a gennuamdiak om hi. Khatkhat te in a hoihlohna teng selbawl in hoih gensak den hi.

Mikhat a zuautatna vive na muhleh na sungah zuautatna khaici om a hihman a hihi.

Mikhat a pau awkna bek mu in na sinsin leh na sungah pau awkna khaici hong om khin hi.

Mikhat zukham in a gamtatsiatna vive na muhleh tua na zahpih a gamtatsiatna na sungpan hong po ding hi.

Tua i cihciangin ‘milak ah maihumsa, mitkhuhsa in pai ding’ cihna hilo hi. Tua te kinpen, muhnop pen, ngaihsut pen leh phinna pen in zanghetlo ding cihna hi zaw hi.

Tuamahbangin thugensiam te a thugensiamna, Pasian mizatte a hamphatna, kumpi nasem te a thupina, mihaute in nop a sakna, lasiamte leh siamna neite a minthanna…cihte mumu zaw in.
Na lungsimsungah tua a hoihna te koihkoih in. Lungsim in a sia a hiaa a pha a hizongin a ki tuh Khaici khempeuh a hun a cinciangin Gamtatna suaksak veve hi.

Na muhthu in na nuntakna hong kilamdangsak ding hi. Na mitsuan penpen na mun mah na tung takpi ding hi. Siamsin Library