Philippines gamsung ah Bomb asukkhapsawm IS mizat mi 2 kiman

Philippines gamsung ah Bomb asukkhapsawm IS mizat mi 2 kiman

Philippines kumpi thunei te’n Thursday (Apr 06) ni in IS migilo tetawh akizomding in aki ummawh nupa kopkhat mankhia uh cih AFP News pan kiza hi. Tua nupakop tepen apasal Kuwait gammi hi a, azi pen Syria gammi ahihi.

Hihte nupa pen abeisa March khasung in Philippines gamsung nawhzin mahmah uh a, Philippines gamsung ahih keileh Kuwait gamsung ah Bomb sukham dingin geelna nei uhhi ci’n Justice Secretary Vitaliano Aguirre in Reporters te tungah genkhia hi.

Kuwait Authorities te’n Philippines kumpi thunei te zasak uh ahih manin, hih te nupa in Manila District sungah akiman hi a, Filipino Authorities te’n thusitna bawlin, kancianlai uh cih kiza hi.

A pasalpa pen Middle East gamsung ah ISIS Member asemlaitak khat hi a, United States kumpi inzong hihpa pen National Security anawngkai sakding mihoihlo khat hiding hi ci’n genkhia uhhi.

A numei ii pasal masapenzong ISIS Commander khat hi a, Syria gamsung ah aki kaplup khitciangin hihpa tawh akiteeng uh ahihi. Apasal pen Kuwait gamah kipuakding “Deportation” kibawlding a, anumei pen Qatar gampanin Philippines alut ahih manin, Qatar gammah ki lehpuakding hi ci’n Filipino Officials in genkhia hi.

South-east Asia gamsung ah IS migilo te’n Muslim Communities tungtawn in honglut khading uhhi ci’n Philippine President Rodrigo Duterte in abeisa sawtnailo hunkhatin agenkhiatpen taangtung takpi hi.

Also read: Philippines ah ngawngtan athuak Germany gammipa luanghawm ki mukhiata ~ ZD

Philippines gam ii leitaw lamahzong Muslim migilo te tammahmah uh a, tuate zong IS migilo tetawh kizopna nei uh kici hi. ZD Sawltak #zomidaily