Zomi Minam Siatna Bulpite ~ Pu Zokhai

Paunaak 14:34[a].
• “Thumaanna-in minam tawisaang-hi,…”
(Proverb 14:34[a] – Righteousness exalts a nation,…..)

• Zomite pupate-in athumaan amuanhuai acitak mite cihna minpha ngah uhhi. Nang leh kei I-thumaan uhhiam?

• Biakinn-ah thumaan gending hongki pantah ngei-hiam? Kawlpau toptawm “saya” akici paasitol te mahmah athumaan uhhiam?

• Kumpi-naseem akici Gamukpawl (Government – Solkar naseem) te-in thumaan agen uhhiam or athumaan uhhiam?

• Kawlpau toptawm “sitni” akici thukhaamsiampi (lawyer) te-in thumaan agen uhhiam? Zuauthu-tawh thu kawikaih-in amaanlo thukhenna piangden hilo-hiam?

Dotna 4-bek ahihang-in amasapen-tawh akicing ahihi. Minam aki-tawisaang nading-in nang leh kei’ tung bek-ah kinga-hi. Na’ mapanna peuhpeuh-ah thumaan zawh nading na-haanciam theih photphot kuul-hi. Thumaanna-pen Pasian’ mite’ neihding-a athupipen Hoihna-phatna or vaangliatna (Virtue) khat ahihi.

“Hoihna-phatna ahihkeileh Vaangliatna (Virtue)”-pen Pasian’ mite-in neih limlimding-a akisehkip khinsa ahihi. 2Peter 1:5-ah –

• “…. upna tung-ah hoihna-phatna behlap unla; hoihna-phatna tung-ah thutheihna,……
(…. add to your faith virtue; and to virtue, knowledge,….)

Zomite’ sahkhualam leh khalamsang thusinna phual (social and spiritual learning centre)-pen biakinn ahihi. Biakinn-pen minam cidam nading leh cinat nading guipite’ pianna phualpi-zong hipah-hi.

Zomi minam kisiatna-pen biakinn hi-a, minam cidam nading biakinn ahihi. Biakinn-ah thumaanna, hoihna-phatna thugilte akihilh ziahziah mateng tualsung-ah thumaanna piang loding-a, minam cidam ngeilo dinghi.

Thumaan gente zahpih lohding, thumaan gente elbawl gaalbawl lohding kisin-in, thumaan gending-zong kipan talehang hoihlo dinghiam!!!

Zomi Pasian’ Thupha!
Zokhai