US ah amasa pen Covid-19 vaccine kisun ta

Breaking News: US ah amasa pen Covid-19 vaccine kisun ta!! Big Congratulations USA

Pu Trump in tuni a facebook page pan “First Vaccine Administered. Congratulations USA!” ci in Covid-19 vaccine sut masakna alungdamna thu genkhia hi. Pu Trump leh Operation Warp Speed te hanciamna tawh amasa pen pen Covid-19 vaccine sutna Long Island Jewish Medical Center, Queens, New York state ah kinei aa, tualai ah nasem Nurse Pi Sandra Lindsay in sun masa pen hi ci in Fox News ten suak sak uh hi.

FDA in emergency aa zat theih nading Emergency Use Authorization (EAU) pen Pfizer-BioNTech company te a piak zawh ciang State 50 ah Covid-19 vaccine hawmkhia ziah ziah ta uh hi. Amasa pen in Zato aa asem te tung kisun masa ding ahi hi.

Tuni ni in zong Department of Health and Human Service Secretary Pu Alex Azar leh U.S. Surgeon General Pu Jerome Adams ten makai in George Washington University Hospital, D.C ah Covid-19 vaccine sutna pawi “national ceremonial Covid-19 vaccineation kickoff event” cih bawl in Zato nasem pawl khat vaccine sut sak pah uh hi.

Tuni pi sung Federal Kumpi ten makai in Pfizer company te in Covid-19 vaccine million tampi state 50 leh US territories teng ah puak ta uh aa, Zato ah nasem million tampi kisun sak ta dinguh ci Kumpi thu nei lam ten genkhia uh hi. Covid-19 Pandemic sung haksakna tampi thuak mah ta le hang Pasian in hong kemcing in tu in zong Covid-19 vaccine te kisun thei ta ahih manin Topa min phat hang.

More: ZIUSA: Khuado Thupuak 2020

Mai kum tun ciang ei sut ding hun zong hong tung ta ding ahih main ki ngaklah tek ahi hi. Kua kua in kumpi hong kah to zongin Covid-19 vaccine vai pen lungnuam tak aa zoptoh theih ding hi ta ahih manin lungdam huai mahmah hi. Hong vaihawm khia Pu Trump leh apawl te Pasian in thupha hong piaksak giat ta hen. Thomas On Sian Mung (Thomas Mung Guite Washington D.C, December 14, 2020, MOMNO Media & Museum @ Like and share my pages