ZCD Gambup Khawmpi Tedim ah Meekuang Luidingte kipsakna ki neiding

ZCD Gambup Khawmpi Tedim ah Meekuang Luidingte kipsakna ki neiding

July 9, 2015 [Kap Khan Khual]

ZCD HQ-Info: Tedim ah July 16, 2015 ni-in ZCD gambup khawmpi om ding in, tua khawmpi ah a thupi pen in 2015 kiteelna meekuang luidingte kiteelna leh kipsakna ki nei ding a, gualzawh comite zum (winning committee office) zong ki hong pah ding hi.

Tuni, July 9, 2015, in Kalaymyo ah ZCD President Pu, ZCD-CEC mi 3 leh Kalaymyo ZCD teng in June 29, 2015 ni-a Yangon ah ZCD-CEC (President Pu leh CEC mi 5) kamkup khensatna tung tawn-in ZCD gambup khawmpi Tedim ah July 16 ni-in neih ding kipsak uhi.

Kawlgam kiteel ni ding pen November 8, 2015 ni ding in taangko khin uh a, July 20- August 8 ni sung in meekuanglui ding min sayin puak hamtang ding zong taangko beh lai uhi.