Na sih nung ciang koi-ah pai ding?
Amasa in sihna in…
- Nang naupang lai lua cin, hong la nai kei ning hong cilo ding hi.
- Nang nungak/tangval(khangno) lai na hih banah na maban ding tampi om lai aiteh hong pha nai dah ning, hong ci lo ding hi.
- Nang nupi, Papi hi nai teh na tate hehpihhuai lai lua in hong la nai dah ning, hong ci lo ding hi.
- Nang pitek putek na hih teh hehpihhuai lua mahmah cin hong la nai dah ning, hong ci tuan lo ding hi.
Tua ahih manin ni tampi sung zong ci kei ni. Ni khat sung bekbek a misite’ lakah naupang, nungak, tangval, nupi, papi, putek, pitek cih bangin sihna in deidan nei hetlo in hong delhdelh, hong phapha ahih manin, i sih nung ciang(Hell maw Vantunggam) koi-ah pai ding cih pen tumahmah in tel takin theih sawm ding hi hang.
Mawhna in thaman hong piak pen sihna hi(Rom 6:23a) a cih mah bangin, a lianmahmah Gupna Thu don loin i om leh, tua mawhna thaman(mawhna dan)ahi sihna(tawntung sihna hell) tawh bangci kipelh thei ding ihi hiam?(Heb 2:3a). A hun om lai-in a lian mahmah Gupna Thu thudon in Jesu umin sang ni. Pa’ kiang tun nading lampi JESU bek hi. Amen.
“Na sih nung ciang, koi-ah na pai ding hiam?” ci-in,
Khazih sungah,
David Tuang
Comment piaknop aomleh...