GZI, Zomi Khawmpi te Tulsa leh Fortworth – Dallas zinna

GZI, Zomi Khawmpi te Tulsa leh Fortworth – Dallas zinna

Dear Zomi pih teng,

“According to your faith be it done to you.” Matthew 9:29
Zomi Christian Ministers Fellowship khawmpi Tulsa, lawhcingtak in ong gual zawhpih Topa min phat masa ing. KIIM Ministries (Nu Khan) in upna tawh $50,000.+ bei in zindo hi. Nitak ki khawm mipi 1000 bang ki pha hi.

ZIUSA kum 10 cinna khawmpi zong nuamtak in ki zo hi. ZIUSA EC member thak ki tel na ah khangthak te’in panmun ong la uh ahih man in mailam aa ding in thalawp huai hi.

Thupi tak a ki bawl GZI ah zong mipi te ki lawp mahmah in mi 2500+ ki khawm hi.

Hih khawmpi te ah Kawlgam pan in mi tampi ki hel thei hi. UN-DESA meeting kah ZYA Kawlpi pan in makai te, Zomi Association US kumcin meeting kah ZCD secretary Pu Zam Za Mung leh SDA khawpi khak ding te zong ong ki hel thei uh hi.

June kha in Zomi Baptist Churches of North America (ZBCNA), ki nei zo hi. July 10-12 ciang in Zomi Baptist Convention America (ZBCA-ZBCM) om ding hi.

It leh ngaih Zomi te deihsak na tawh kong gen nop in:-

1. Hun ki man zo nai kei. Ki puah pha ciat ni, hun te ama’n nei in i zat thei ding ki sam hi.
2. A diak in khangno te Pasian thu lung-gulh ding kisam hi.
3. Biak in ki tung kim nawmlo hi, biak piak na sang in gualnopna pawi ki lung lut zaw ta hi.
4. Pawlpi leh kipawlna tam semsem tahi, ki it nading leh ki pawl siam ding hanciam ni.
5. Jeusu nung zui thuum te in, ikisap thu bulpi thum:- Itna-Love (John 13;34-35); Mawh kimaisakna-Forgiveness (Matthew 6:14-15); Kilemkikna-Reconciliation (2Cor5: 19-21).

“I vekpi in kithusim ni. Ei’ sepkhak loh khempeuh a kisem lo in seh nawn kei ni.
Ei theih khak loh peuh leitung ah a om lo in seh kei ni. Zomi aadinga a sem vive na hi uh hi. Midangte’ zasan meh zah ding zong pha lo hi hang. I tup i ngim kibang napi i sepdan kibang lo zong om ding hi. Thu in kiseh tek ni. Ei tawh a kithutuakte bek Zomi cih theih zong hikhin pah sam lo hi.” (Cinpu Will Sol)

“Pasian in Zomi tesungpanin pilna sang, sinna ah major Business, Engineering, Electronic, Economic, Computer, Geology, Human Development, Medical, Music Science, Theology leh atuamtuamtawh thuphahongpia a, namdangte ibatzawh naihet loh hang ethnic [namkee] khatdingin Topa hehpihna hi.” (Jeffrey Pau Do Lian)

Zomi te lung kituak hanlungciam kangto diam. God bless Zomi.

King Mang
Fort worth, TX