Indonesia gamsung ah mencim in mi 17 mangthangcip

Indonesia gamsung ah mencim in mi 17 mangthangcip

Indonesia gamsung ah mencim ahih manin mi 17 mangcip a, ahingtang in aki vuknelh ahihding ki patau mahmah cih AFP News panin kiza hi. Indonesia National Disaster Agency te’n tuni Saturday ni in agenkhiat uh hi a, East Java, Ponorogo District sung aom Banaran Village sungah mencim “Landslide” ahihi.

Saturday ni zingsanglam in akipan ci a, innsia bekbek akigawm in inn 30 bang siagawp cihi.

National Disaster Agency Spokesman Sutopo Purno Nugroho in AFP te kiangah agenkhiatna ah mi 17 bang mangthangcip ahih manin aki zonsan laitak ci uhhi.

National Disaster Agency te bekthamlo, Military, Police leh Volunteers tampitak inzong hih mencipna munteng ah ahuhding in delhngeingai uhhi.

Indonesia gamsung ah mencipnuam mahmah a, guah tampianleh mencin in suizuih pahpah theihi. Nungkha February khasung inzong Bali Island ah mencim in mi 12 takin sihlawh uhhi. Tua asi mi 12 lakah naupangzong mi 3 bang kihel in khasiat huai mahmah hi.

More: Indonesia ah naupang kha 10 aphapan khat agilsungah naupaai ahih manin Surgery kibawlding

Nungkum September khasung inzong West Java, Garut khua ah mencim leh tuikhawnggawp ahih manin mi 30 bangin sihlawh uhhi. ZD Sawltak #zomidaily