Zosuan Tuailai Khawmpi (ZTK) ading mapankhopna kikhak khinta
April 23-26, 2015 sung Tedim khuapi a kibawl ding a (2) veina Zosuan Tuailai Khawmpi ading Malaysia a Zomi te kiang panin mapankhopna sumtang RM6,187.25/- kingah teng 21 April 2015 ni-in kikhak khia thei hi. Minam ading kalsuanna ah ei mimal, pumpi in ih kihel theihloh hangin ih thalawhsa sum le paai tawh kiheelna te hangin mapang khawm kipawlna, mimal, khua kipawlna leh pawlpi te tungah ki lungdam mahmah hi.
“Anlangh khua kipawlna RM200.00
“Cikha khua kipawlna RM100.00
“Evangelical Baptist Church (KL) RM200.00
“Ever Smile Ministry RM 50.00
“Khup Lian Pau (Tahan) RM 50.00
“Manaa Zomi Christian Church RM200.00
“Mualbeem khua kipawlna RM200.00
“Mualzang khua kipawlna RM100.00
“Myanmar Believers Fellowship RM200.00
“Pa Cin Suan Lian te innkuan RM150.00
“Pangzang khua kipawlna RM100.00
“Pau Lam Lian (Haupi) RM350.00
“Rawang Zomi Innkuan RM200.00
“Suanghoih khua kipawlna RM100.00
“Tungzang khua kipawlna RM200.00
“Vangteh khua kipawlna RM150.00
“Zomi Adventist Church RM300.00
“Zomi Association of Malaysia (ZAM) RM2,000.00
“Zomi Catholic Community Malaysia RM400.00
“Zomi Christian Assembly RM300.00
“Zomi Christian Fellowship (Canaan) RM337.25
“Zomi Christian Fellowship (Kajang) RM100.00
“Zomi Ebenezer Malaysia RM200.00
Vekpi gawm RM6,187.25
United States Ngeina le Dan Thusinna Khutzat Laibu : ZOMI (azom)
Nasepdan Adawldawl
Taangpi nasep theih nam pen gambeel mi thusinna nei (training) nasep zia thei leh siam, manglai/mangpau tawmtawm at thei te’ nasep hi. America gam tungin khotak a nasep theihna dingin pilna sang pipi, manglai/mangpau siam hi mahta leh taangpi nasep nam tawh nasep kipat kul hi.
Siamna/kivakna tawh nasep
Taangpi’ nasep
⦁ Thusinna (training) nasep zia thei le siam.
⦁ Nasep pawlkhat ah mangpau tawmtawm zattheih kulin, pawl khat ah mangpau theilo phamawhlo hi.
⦁ Nasep thaman nai 1 teh $7.25-10.00 ngah hi. Nasep mun khatkhat ah cidamna vaihawm pihi atamzaw ah bangmah pialo.
Gentehna:
Kuangleh keu sawpna, zinbuk ah sawltang zang, set tawh nasepna, vanzuakna, puansawpna, innhah nasep…
Pilna sangte’ nasep
⦁ Aniampen in pilna siamna sinna sang (college) khat peuhpeuh pan degree ngah hi ding, manglai gelh thei, pau thei hi ding.
⦁ Nasep theihna, phalna lai letmat nei hi ding. American gam sangte pan zawhna, ngah hilo mundang gamdang pan sangman ahih leh sanglo hi. Tua gam sangah pilna sinin zawhna lai ngah theih ding kisam hi.
⦁ Atamzaw khasum tawh nasem hi-in kumkhat sum lut $30,000 sang tamzaw hi.
⦁ Cidamna lam panpihna leh adang hamphat tuamtuam zong om hi.
Gentehna :
Sangsia/nu, sitni, siavuan, engineer, sum sazianlen, Computer siam…
⦁ Hun tomno sunga thusinna, nasep theihna lai nei hi ding, American gampua pan sangmante sanglo uh hi.
⦁ Manglai simthei, mangpau pau thei hi ding.
⦁ Ama siamna tungtawnin thaman nai 1 teh $10-20 ngah thei.
⦁ Nasep pawlkhatah cidamna lam vaihawmpihna nei-in, atamzawin vaihawm pihlo hi.
Gentehna :
Mei lam siamna, Computer setpuah siam, Pipe peh siam, mawtawset bawl siam, zum lai-at, ha lam bawltheihna…
Nasep zonzia
Thanuam tak in nasep zongin. Nasep in nang hong zonglo dinghi. Nasep zonzia, nam tampi om te lakpan zat theih ding nasep zonziate:
Khuasak kikna agensi: Khuasakkikna Agensi in nang adingin aphamawh hi. Tua agensite panpihnate lakpan nasep zonsakna zong khatin kihela pawlkhatte inn ah pai ngiatin panpih, huh thei hi.
Kizop taangna (Network): Kizoptaangna in nasep omte lakpan ama nasep ding aom theih leh kitheihsak nadingin lawmlegual, meltheihte tungah panpihna, huhna ngen hi.
Nasep zonsakna agensi: Nasep omciang thudot, dawn nading kigin kholh theihna ah kumpi lam leh private nasep zonsakna agensite in hong huhthei hi. Agensi pawlkhat in sum ngen ahih manin dot cian kul hi.
Laihawmte (News): Ahunhun in company ten nasep awngte nisim laihawm ah suaksak thei hi. Mun khatkhat ah nasep theisakna laihawm atuam in om a laihawm te ah nasep tuamtuam leh nasep awngte suaksak hi. Laihawm a sim mi hong khanna tawh ki zui-in nasep theihsakna hong tam semsem hi.
Theihsakna (Notice): Nasep theihsakna pen, vanzuakna innpi, laibu saal, khuasak kikna agensite ah theihsakna lai kisuang hi.
Internet: American gam a om nasep khempeuh internet ah suaksak ahih manin, Internet tungtawn in nasep zong mi hongkhang semsem hi.
Ei le ei a nasep zonna: A awng munte ah ei ngiat vapai in nasep kizong, kisiau thei hi.
Nasep kisam/theihsakna: Vanzuakna, zum khan maite ah nasem kisam hi ci-in lai kisuang thei a tua a awng munah pai-in kidong, kisiau thei hi.
Nasep siauhna leh kamkupna
Nang sep theih nasep na muh ciang nasep siauh kipan in, Nasep siauh theih na lai tawh siauh kul hi. Internet pan tua bangmah in kihih thei hi. Tuadan laite ah pilna siamna, nasep zia theihna adot te hoih tak mantak in dawnding kisam hi. Tua lai naphina tungtawn in na hihna kithei thei hi. Tua lai pen nang na hih kei leh khat peuhpeuh huhna tawh sin thei hi teh. Nasep nei pa/nu in nasem siau te lakpan pawlkhat thu dongin hongsam ding hi.
America gamah nasep nading thudot, dawn ciang pilna siamna panpih theihna leh abeisa hun a nasep ziate genthei ding kisam hi. Nasep siau khempeuh lak pan tua nasep tawh nangbek ahi thei, siam nahihna thei sak in. Tua banah nang leh nang kimuanna, mithek leh na thu dotna tungtawn in hongen diak hi. American gamte zat le zuih ahi nasep siaute theihnop thu dotna tawh hun khup thei zel hi. Company tawh kisai thudot hangin mi citak nasep hanciam, thanuam hihna kilangsak hi. Kikhuasak theih nading thudot, dawnna neih theih pen hamphatna khat hi. Tua bang thudotna neihma i kigin kholh ding thupi hi. Nasep siauhna ah nasep nangah kei zongin thudotna hong neih limlim pen gualzawhna khat hi kici thei hi. Azenzen in nang hong iplah leh nasep dang hong ngetsak thei hi. Hih thu kidotna in mailam ading kigin kholhna khat tungah kimuan na khang tuam hi. Tua bangin thu dotna tam tektek khantohna om semsem hi.
Zopzop lai ding…
Malaysia ah Refugee te ki welcome lo
April 17:kumpi in Kawlgam pan a hong pai Rohingyas galtaaite lut theih nawn lohna dingin kongpite khakcip ta uh hi. Hih thu pen Shahidan in a genna ah “Malaysia pen UN member hi lo ahih manin Rohingyas te tungah hehpihna lak nawnlo ding hi. Bang hang hiam cileh amaute hangin Malaysia gambup ah daihna om nawnlo hi” ci hi. A thugen zomto leuleu in “Tuikhakna kongpi hong mawk le hang gambup ah tuiciin tung ding hi. Tun zong gambup ah haksatna tampi hong puak khin uh hi. Sianggen le hang amaute hong om limlim uh pen Malaysia gambup a dingin a lauhuai hi khinta hi” ci liang hi. Tua banah “UN member ahi Cambodia leh Philippines gamte ah hih Rohingyas te pai uh hen” ci lai hi. Source : thesundaily.com.my
Kap Za Dongh (Kum 26) thu kitelta
A min: Kap Za Dongh
Apa min: Phian Deih Thang
Anu min: Huam Ping
Akhua: Phinkhongyi
Minam: Falam/ Ngawn
Atung a thu tawh kizui in Kap Za Dongh (Kum26) ii luang hawm kivuina thu leh man (photo) facebook panin kimu khia hi. Thu piang a ki theih ciangin ZAM panin kikan pah a 19/4/2015 Sunday ZAM Thu puak panin ki suaksak pah hi. Amah kua hi cih tello pi in Zomi min a it pawl khat kisel in makai te na-ngawn konlawh in upmawhna tek gen ngeingai uhhi. ZAM zumpi panin ih sisan pih takpi mah hiam ci-in ki lung himawh a, Genvai lampan in kicing takin hong kan khiazo ta hi.
Kap Za Dongh (Kum 26) pen Malaysia ah kum 10 val om khin a, kham theih guih theih tawh kidiah in khua sungah a zalen mikhat hi ci-in a sanggamte in suakta takin gen khia hi. 2013 kum in FCC Pawlpi veina leh deihsakna tawh Bible Camp ah paipih uh a, Camp hun zawhma ni khat sapin na vakkhia aa tua pen a kimuh nunung pen hipah hi. 26/12/2013 ni-in Lenggeng Camp /Thong lut hi ci-in Palik te in ciamteh hi. Thongsung pan asih ciangin Thongcing te in inntek kumpi Immigration te ap uh a, Immigration te in Kepong phualsat Kawlte Genvai kipawlna a koh ciangun Kepong Genvai te in 16/4/2015 ni-in Cheras Hanmual ah mei tawh halna nei uhhi.
Tua ahih manin hih bang thuging leh min leh puam kitello thukhat/vai khat peuh ih muh ciangin deihkaih lua in, ih pau khiatpah ngeingai loh ding Falam mi, Kap Za Dong (Kum 26) luanghawm in Zomi te thu hong hilh ahi hi. Zomi te zumpi bek ahi lo Pawlpi ahi a, Khua kipawlna zongin kipawlna khat peuhpeuh in zuih ding thukhun om gige a hihi.
ZAM zumpi panin Genvai lam vaipuak nasem te in Zomi sinsen luang (157) vui khin uh aa, tua thu te mipi in phawk khalo uh hi. Hi zahta kivui Zomi te dahpihna zong kipuak ngeilo hi mah leh information manlo leh thu kicianlo thu te ah manlang takin kampau aa laiat giapgiap Zomi te in mailam hun te ah lungngai masa in laiat, kampau ding hi hang cih ih ki phawksak hi. Zomi te Topa’n hong dam sak hen.
ZSM leh Thudotpi te kimuh khopna
Malaysia gam sunga om Zomi Genvai kipawlna a lianpen ZSM zumpi in Thudotpi te leh palaai te kimuh khopna 20/4/2015 Monday in ZAM zumpi ah nei thei uh hi.
2015 kum, tuni ciang ZSM nasepna sate etkikna leh mailam hunah Zomi sungah muhmawh atuakte bangci bangin panpih in huh thei a, 
muakthei ding cih kikupna lianpi khat ki nei thei hi.
ZSM in January 2015 pan tuni ciang Zomi sinsen misi luang (12) buaipih khin hi. Innteekte bangin luang-hawm mei tawh kihallo a, Zomi te ngeina bangin lei ah vui theih nangin han leitang zonsak in hamual ah kha thei hi. Hi bangin hanmual leitang ngah zawh nang in tuni ciang ZSM lutkhinsa mimal (7400) valte in kum khat ai ding RM20 ciatkhiat ziakin hong nusia ih sanggam Zomi te luanghawm kiphamzo hi cih lungdamna thu lutangpi in genkhia hi.
Zomi te sihna tungtang ah ZSM member hihna hangin kivan, kihuai hi masalo a, ZOMI ahihna hangin kivan, kihuai hizaw hi ci-in thuvanpi in genkhia kikkik hi. Mailam hun ah Zomi te tuahsia, thanem, beidong, muhmawh khat hong om khak leh a kilawm pen leh hunlap a kivan zawh ding ZSM ii lungtuppi pen ahi hi.
ZSM Genvai zaksakna
Zahtak huai ZSM laibu len khua makai te leh Pawlpi makai te khempeuh in na laibu let ciat uh zumpi ah nong puakkiik nang un zahtakna lianpi tawh kong zasak uh hi. Ih thukhun omsa bangin kha 3 val khinta ahih manin alut nailo te adingin athakin khatvei laibu khawmkik in, biakinnn, khua makai te leh zumpi ah kipia thei ding hi.
Tukal ZAM Palaai te buaipih diak teng
⦁ Dal Khan Mang (Lingthuk), 21 April kha in palikte khut sungpan palaaite buaipihna tawh hong suakta thei kik.
⦁ Suut Len Khai (Anlangh), 20 April in Semenyih Camp leh Embassy ah ki buaipih.
⦁ Sum Pu Zam (Tualzang), 20 April Operasi te mat hi in, a kibuaipih laitak hi.
⦁ Thang Deih Khai (Kapteel), 20 April in Bentong ah kiveh thei.
⦁ Thang Sian Muang (Kapteel), 20 April in Bentong ah kiveh hi.
⦁ Kham Deih Pau (Kapteel), 17 April in Bukit Jalil Camp ah kiveh thei.
⦁ Suan Lian Thang (Ngalbual), 17 April in a omna ki kanpih a, ki kankan laitak.
⦁ Niang Hau Ning (Tedim), 22 April in Tung Shin zatopi ah ki buaipih.
⦁ Niang Ngaih Tawng (Tungzang), 24 April in Pudu Specialist ah ki buaipih.
⦁ Cing Za Dim (Thalmual), 24 April in Pudu Specialist ah ki buaipih.
⦁ Thang Sawm Tuang (Phaiza), GHKL zatopi ah 23 April in ki buaipih.
Tune Insurance leinuamte ading
A leinuam peuh mahin UN zumpi ah Monday, Wednesday & Friday (9am-5pm) kikal kingah denta.
Akigen khempeuh umpah ken
UN card ki laksak kik cih thu thang pen a kikan cian tak ciangin tuadan tuakkha lian a ki gen bangin na om samlo in Card renew zekai te thudot tam cih thu bek om hi. Tua ahih manin zum vai khat peuhpeuh na theihnop a na telnop taktak leh zum a semte
mah dong le teh ki tel pen ding hi. Lai kigelh, kigen khempeuh up sawm ken la, himaw hilo cih kan tel masak sawm in.
Malaysia gam a om Refugees naupangte sangkahna ding haksatna tuak
Abeisa 2015 January kha ciang ciaptehna aneihna vuah Malaysia gam ah (Refugees) UNHCR card neisa mi (150,000) val om in tuate lak ah (10,000) pen naupang kum 6 pan kum 17 kikawmkal te a hi uh hi. Malaysia gam a om gambel Refugees te lak ah atamzaw pen Kawlgam mite ahi uh hi.
Tulaitak in Malaysia gam a om (Refugees) UNHCR card neisa naupang 100 lakah 36% bekin sangkah in 64% kahlo uh hi ci-in UNHCR Officer thunei te in gen uh hi.
Tua ahih manin Malaysia gam a om Refugees naupangte adingin atuam vilvel in Sanginn hoihtak photsak dingin hoih hi ci hi. Malaysia gamah gambel Refugees te in amau leh amau in aphot tawm uh Sang 120 nei in, Sangnaupang 6,000 val nei uh hi.
Ahi zongin Malaysia gam a om Refugees sangnaupangte mailam pilna sinna dingin lampi omlo tawh kibang hi ci-in UNHCR thunei te’n gen uh hi.
ACTS makaihna tawh thusinna
ACTS in kumsim aneihden ahi cidamna lam tawh kisai thusinna April 17-19 ni 3 sung nei uh a, kipawlna tuamtuam pan cidamna lamsai palaaite leh ZAM panin cidamna lamsai palaaite mi 3 va kihel thei uh a gualzawhna Certificate hong ngah thei uh ahih main ki angtanpih mahmah hi.
ZAM Hall ki kawmthei
ZAM Hall pen Session khat (nai 4 sung) RM200 ki lading a, nai 4 khitciang azatbehtoh nopleh naikhat RM50 ki lading hi. Aki zangthei vanteng: Aircon, Tutphah 150, Sound System, Drum Set 1, Wired Mic 1, Wireless Mic 2, Usher Counter etc…
Note: Guihtheih khamtheih zat ki phallo hi.
Zogam, Zomi Tangthu laibu kingahta
Rev. SD Go Za Suum gelh “Zogam, Zomi Tangthu” laibu thak kingahta hi. Laimai 96 pha in, bu khat teh RM20/ bek man hi. A simnuam, aleinuam peuhin ZAM zumpi ah kilei thei hi.
Palik te’n sum zonna’n hong nei
Malaysia gamsung mun tuamtuam ah opersi leh lamkhakna om kawikawi in adiakdiak in Kota Raya, Pasar Seni, Chinna Town, Pudu cih tengah palik puansilh, silhlo tam mahmah hi. Vak ding leh zong tua munte pelh sawm ni. Sum na piakpiak zawh kei ding a leh vak kei zaw in bang hang hiam cih leh palik te’n sum zonna’n hong nei uh hi.
ZAM pan dahpihna
Mualpi khua, Pu Suan Khua Gin leh PiMan Vung te tanuNu Cing Za Huai, Songput beh (Kum 37) ZSM-2188,sunglam damlohna hang tawh Sungai Buloh zatopi panin 19/4/2015 ni-in leitung nuntakna nusia in Van kham khuapi ah tawlnga dingin hong ciahsatna hangin a nusiat innkuan pihte tawh kibangin ZAM zumpi panin ih dah khawm hi. Nu Huai ii luanghawm tawh ki sai-in ZCF Dingkil Pawlpi makaihna tawh ZCF Dingkil Biakinn ah a nunung phawkna hun bawl khit ciangin ZSM makaihna tawh 21/4/2015 ni-in Sungai Buloh hanmual ah kivui thei hi. Adah akap khempeuh tungah Topa’ hehnepna hong tungta hen.
Limkhai Khua, Pa Vum Pum leh Nu Ciin Za Dim tanu tapa lak pan alian 3 na Tg. Lian Thian Lam Cin in a nasepna Guamusang panin mawtaw accident in April 19, 2015 ni nai 10:00am pawlinnusiatna hangin adah akap innkuanpih, meltheih u le nau, khua le tui, pawlpi tawh ki bangin ZAM zumpi panin dahkhopna ih pulak hi. Topa hehnepna athakin hong tungta hen.
Zomi Card tawite ading nasep
⦁ Veng tuamtuam a om KK Super Mart saite a sem thei ding Zomi citak pasal/numei Malay or Mangpau atel honkhat ki deih behlai hi. Nasep hun 8am-8pm. Sun nai 2 sung khawl. OT nai 2 sung omden in nai khat teh RM6.50. Kha khat RM1237.50 ngah ding. Omna leh an pialo. Na omna veng tawh kinai penpen ah septheih nading hong ki vaihawmpih ding.
Alunglut te Tuesday & Thursday ni sun nai 2pm in interview na om ding hi.
⦁ Puchong IOI leh Saremban food court a sem ding numei 1 ta kideih. Khasum RM1000/- Kal khat 1 vei off. Omna leh an pia. ‘ 012 367 4665
Lungdam takin hong kisang ding
⦁ Gamsung gampua mun tuamtuam pan ZAM nasepna te tha na piak nop leh lungdamtak in hong kisang ding hi.
Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email: [email protected]
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website 
tungpan kongsuaksak zelzel uhhi.
Note :: PDF tawh na simnop leh
Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Comment piaknop aomleh...