Kawlgamsung meileng puahnading Germany pan US$5.3 million leitawisawm

Kawlgamsung meileng puahnading Germany pan US$5.3 million leitawisawm

Kawlgamsung aom meileng tawh kisai avaisaipi Myanmar Railways te’n Germany gam aom “KfW Development Bank” kici te kiangpan in meileng puahnading US$5.3 million (five-million-euro) leitawisawm cih Myanmar Times pan kiza hi. Hih sumleitawi angah uhleh Ywa Htaung Rail Engine Factory puahphat nading Project in kizangding hi ci’n “Union Minister for Ministry of Transportation and Communications” pan U Thant Sin Maung in genkhia hi.

February 17 ni in Pyidaungsu Hluttaw Session ah agenkhiat ahihi. KfW Development Bank leh Myanmar Railways ki thukimna Loan Agreement sungah hih sumpen kum 40 sungin lohkikding cih kiza hi. Amasa kum 10 pen Grace Period hiding a, acian kum 30 sungin lohkikding, summet Interest Rate pen kumkhat in 0.75% hiding cihi.

Hih sumleitawina alemtheihleh Germany-made Diesel Hydraulic Engines te ki puahphading, meileng lampi aluite puahphading, athakzong behlapding, Railway Training School zong puahphading ci’n U Thant Sin Maung in genkhia hi.

Myanmar Ministry of Planning and Finance panin Deputy Minister U Maung Maung inzong hih sum kileitawi dingpen amet tawmmahmah ahih manin, Pyidaungsu Hluttaw in phalna apiak nadingin ngetna neikhin hi.

Ywa Htaung Diesel Engine Factory puahphatna kineizo henla hileh Mandalay leh Myitkyina Section kikal atai Germany-made Engines meileng tezong hoihtak ki puahtheiding ahih manin ahun mantakin ki taisak theiding cihi.

More: India leh Kawlgam kikal meileng lampi kibawlding

President U Htin Kyaw inzong hih Germany gampan sum leitawi vaiding tawh kisai in Pyidaungsu Hluttaw ah February 15 ni in pulakkhiakhin cihi. Hihvai tawh kisai in hongtungding February 22 ni ciangin Pyidaungsu Hluttaw Session ah Hluttaw Representatives te kikumkikding uh cih kiza hi. ZD Sawltak #zomidaily