ZOMI LEAGUE – FUTSAL NUAMTAK KIZO THEI
Ih bawl ngei a om mah bangin Zomi League 2019 zong nopci takin kizo thei hi. Zomi League 2019 ah Pawlpi min, Khua min leh Club min tuamtuam tawh kilut ngeingai tek hi.
Zomi League -2019 ah hong kihel team 12 pha a tua teng Group 4 in kikhen hi.
Group A Group B Group C Group D
- 1. Haupi FC 1. Buanli FC 1. ZCA FC 1. Phualva FC
- 2. Sunway FC 2. ZEC FC 2. Cikha FC 2. Pyidawtha FC
- 3. Thangkai FC 3. ZCCM FC 3. ZCF- Hatamas FC 3. Ngalzang FC
I gensa mah bangin Zomi League pen 16 September 2019 (Monday) ni zingsang tung 12:00AM pan 4:00AM dong Group leh Quarter Final ciang ki mawl suak pah hi. Semi Final ah ZEC FC, Pyidawtha FC, ZCF-Hatamas FC leh Thangkai FC te hong kah to uh a, 21 September 2019 zingsang 12:00AM pan in Semi Final leh Final kimawl to leuleu hi. Semi Final (1) ah Thangkai FC leh ZCF-Hatamas FC hong kituah uh a, Semi Final (2) ah Pyidawtha FC leh ZEC te hong kimawl uh hi. A thumna ding Thangkai FC leh ZEC FC te hong kituh uh a, Thangkai FC in hong ngah uh hi. Final ah Pyidawtha FC leh ZCF-Hatamas te hong kimawl uh a, ZCF-Hatamas te in Champion hong ngah uh hi.
Kimawlna ah a siam vive sungpan a kimawl dan a hoih pha diak te zong pahtawi na kipai a,
- Best Goalkeeper – Kho Pi (ZCF-Hatamas FC) in hong ngah aa,
- Best Player – Sum Boih (ZCF-Hatamas FC) in hong ngah hi.
- Top Scorer – Daniel Khai (Pyidawtha FC) in hong ngah uh hi.
MAPANG KHAWM NI ZOMI KHUADO 2019
Zomi Khuado pawi bawl ding tawh kisai in 22 July 2019 (Wednesday) ni-in ZAM zum ah thudotpi te tawh kikup khopna kinei in, Zomi Ngeina Khuado Pawi limtak bawl dingin thukimna kinei hi. A mun dingin Zomite Khuado Hall, Chin Woo Stadium mah ki kipsak hi. Khuado pawi nasiatak a bawlna dingin sum leh pai tampi hong kisam ahih manin muanna leh lametna lianpi tawh Khuado Committee in anuai a bangin mapang khawm dingin kong zawn uh hi.
- 1. Khua kipawlna pan RM200 pan a tungsiah,
- 2. Biakna pawlpi khat ciang RM300 pan a tungsiah leh
Khua kipawlna leh Pawlpi panbek hilo in, mimal in zongma ih pan khop nadingin kong ngen uh hi. Khuado ni dingin 15 October 2019 (Tuesday) ni dingin kikip sak hi.
Zomi te kumkhen Khuado pawi ah Malaysia leitang tung a om Zomite khempeuh khatzong pelemlo a, ih kihel kim theih nading deihna tawh kong theikhol sak uh hi. Hih hun sungah Zomite maban ding thugenna, Zomi Idol Malaysia 2019, Laam tuamtuam, lasaknate a kipan kivakna/talent show tuamtuam zong om ding a hihmanin khuahun sia leh thusia tuamtuamte tawh kipelh na dingin thungen ciatni.
Zomi Khuado pawipi muakna in ih neihngei sa mah bangin in Zomi League kimawlna zong om ding hi. Tua ban ah tukum in Gym kimawlte in Body Building Competition kidemna zong om ding hi. By: Khuado Committee 2019
ZOMI KHUADO 2019 COMMITTEE TENG
- 1. President : Rev. Dai Sim Mang
- 2. Vice President 1 : Sia Hau Thang
- 3. Vice-President 2 : Rev. Thang Do Khen
- 4. Vice President 3 : Rev. Peter Dal Khan Lian
- 5. Secretary : Sia Kap Za Khup
- 6. Joint-Secretary : Rev. Gin Khan En
- 7. Treasurer : Sia Joseph Tuan Sawm Tuang
- 8. Accountant : Sia Simon Pau Khua Muan Lal
- 9. Accountant 1 : Pa Thang Suan Piang
- 10. Auditor : Rev. Thang Za Cin
- 11. Auditor 1 : Rev. En Cin Pau
MEMBERS
- 1. Rev. Khen Za Dal 6. Sia Thang Zo Mung
- 2. Pa Thang Za Khai 7. Sia Kam Sian Mung
- 3. Rev. Thawng Khan Sut 8. Sia Mamang
- 4. Rev. Pau Sian Piang 9. Sm Cing San Huai
- 5. Rev. Ngin Khat Thang
ZOMI KHUADO 2019 ADING PANPIH NA HONG PIA SA TE
- 1. Sing Za Cin (Mualbeem) RM100
- 2. Zomi State Fund International, ZSF (I) RM200
- 3. IZCC Pawlpi RM300
- 4. Tuicinlui Khua Kipawlna RM100
- 5. Heilei Khua Kipawlna RM200
- 6. Mualbeem Khua Kipawlna RM200
- 7. Saizang Khua Kipawlna RM200
- 8. Lingthuk Khua Kipawlna RM100
- 9. Tuithang Khua Kipawlna RM200
- 10. Dimpi Khua Kipawlna RM100
- 11. Cikha Khua Kipawlna RM200
- 12. Tuimang Khua Kipawlna RM200
- 13. Ngalzang Khua Kipawlna RM150
- 14. Pimpih Innkuan Malaysia RM200
- 15. Tuilangh Khua Kipawlna RM200
- 16. Lalta Khua Kipawlna RM200
- 17. Phaileng Khua Kipawlna RM200
- 18. Suum Mang Ann Sai (Pudu) RM100
- 19. Singgialzang Khua Kipawlna RM150
- 20. ZCA Pawlpi RM300
- 21. Teeltui Vontawi Innkuan Malaysai RM200
- 22. MBF Pawlpi RM300
- 23. Thangkai Suangpi Khua Kipawlna RM100
- 24. Mualpi Innkuan Malaysia RM200
- 25. Lamzang Innkuan RM150
- 26. Praise Adonai Sanctuary Pawlpi RM300
- 27. Langzang Khua Kipawlna RM200
- 28. Suangsang Khua Kipawlna RM200
- 29. Malaysia Laipian Pasian Pawlpi RM300
- 30. ZCF-Kajang Pawlpi RM300
- 31. Zion Christian Church -Songailong RM300
- 32. Myanmar Mission Church (MMC) RM300
- 33. Shalom ZCWC Pawlpi RM300
- 34. Laaitui Innkuan Malaysia RM200
- 35. Pyidawtha Innkuan Malaysia RM200
- 36. Haupi Khua Kipawlna RM200
- 37. Phaiza Innkuan Malaysia RM200
- 38. Manna Zomi Christian Church RM300
- 39. Tuimui Khua Kipawlna RM200
BODY BUILDING COMPETITIONS ZONG OM DING
Zomi khangnote sungah Gym kimawlte adingin zong Body Building Competitions om dinga, tua sungah a ki hel nuam ih om leh zong min sazian kipia thei pah ding hi. Khuado ni ma in kidem khol ding a, pahtawina te pen Khuado ni in mipi mai ah kipia ding hi. Hih Body Building Competitions vai a lunglut te in Sport Committee te tungah min sazian kipia thei lai ding hi.
ZOMI KHUADO 2019 FUND DING LUCKY DRAW KI LEI THEI TA
Zomi Khuado 2019 fund zon na in I bawl ahi Lucky draw dal khat ciangin RM5 tawh kilei thei ta ding hi. I minam pawipi a kibawl zawh na dingin I mapan na khat ahih manin a kua maciat in I leiciatna dingin zong kizawn phapha hi hang. ZAM zum, Khua makai te leh Pawlpi te ah kila thei ding hi.
ZAM ZUM AH HONG HAWH
Laaitui Khuami, Yangon ah mission sem in aom ahi Love Community Church pawlpi kem Sia Thang Suan Kam in Malaysia hong zin sungin Zomite hong it hong veina tawh kizui in ZAM zum ah hong hawh in thapiakna leh thungetsakna hong nei ahih manin kilungdam mahmah hi. Topa’n siapa nasepna ah hong lawh cing sak semsem tahen.
ZAM ZUM AH HONG HAWH
Vangteh Khuami, Kawlpi ah Luandim LCCI sang a phuankhia Sia Singpi in Malaysia hong zin sungin Zomi hong it hong veina tawh kizui in ZAM zum ah hong hawhin thapiakna leh thunget sakna hong nei ahih manin ki lungdam mahmah hi. Topa’n siapa nuntakna ah lawhcinna hong piaksak semsem lai tahen.
ZAM ZUM AH HONG HAWH
Tauleng AG pawlpi ah Pawlpi kem sia asem Rev. Biak Lian in Malaysia hong zin sungin Zomite a it aveina tawh kizui in ZAM zum ah hong hawhin thapiakna leh thu ngetsakna hong nei ahih manin ki lungdam mahmah hi. Topa’n siapa hong zatsak semsem lai tahen.
CONTACT NGAH LO
1. Hau Za Kap (Lawibual)
Pa -Hau Suan, Nu Cing Khan Dim te tapa pen Semiyi Camp ah om hi. Sanggam meltheih a om leh ZAM zum ah hong zasak un.
2. Lian Sian Thang (Kawlpi)
Pa -Peter Khan, Nu -En Lawh Nuam te tapa pen Melaka camp ah om in kua mah tawh contact ngahlo hi. Sanggam meltheih I om leh ZAM zum ah hong zasak un.
3. Hlawm Nei Thang (Kawlpi) pen Semiyih Camp ah om in kuamah tawh contact neilo hi. Sanggam meltheih I om leh ZAM zum ah hong zasak un.
TUKAL ZATO LAM BUAIPIH
- 1. Ngaih Ruth (Sawbua) Selayang zato ah kibuai pih
- 2. Lian Deih Sang (Pyidawtha) Sungai Buloh zato ah
- 3. Dal Sian Muan (Vangteh) Sungai Buloh zato ah
ZATO LAM TAWH KISAI : Zato lam tawh kisai-in vai khat peuh na neih leh ZAM zum ah hong ko in. Contact :Sia Mungpi 018 3122 957
TUKAL SUNG THONG LAM BUAIPIH TENG
- 1. Thang Ngaih Lian (Mawngken) Bukit Jalil Camp ah kimuh pih thei
- 2. Lian Thawn Piang (Mawngken) KLIA camp pan kawlgam ciah na’ng kivan sak
- 3. Do Za Thang (Mainuai) Bukit Jalil Camp ah kimuh pih thei.
KIMAT KIHEN NA TUAK LEH : Zomite sungah kimat ki hen natuak zenzen leh hih phone no. te ah na hopih pah in. Nang adingin atawntung in kigingsain om den uh hi.
- Sia Tuang Pu : 016 254 4093
- Sia Zo Mung : 017 663 6087
- Sia Maa Mang : 018 231 1365
- ZAM Hotline : 016 293 9027
DAHPIHNA PULAKNA : Khuadai khuami Pi Ciin Lian Mang (Kum-71) in sunglam damlohna tawh a omna inn ahi Kepong veng pan in September 17, 2019 (Tuesday) ni 9:00AM hun in hong nusia hi. ZAM zum ah hong kohna uh tawh kizui in kidleh pah a, zum vaiteng a sian khit ciangin Agent te kisam in Kajang misi buk ah kikoih phot hi. A innkuanpihte lunggulhna om bangin Subang Lutheran Garden han ah vui theih nading in vai teng kivan pih a, September 19, 2019 (Thursday) ni-in kivui thei hi. A dah akap khem peuh tawh kibangin ZAM/ZSM pan in dahpihna I pulak khia hi. Topa’n hong hehnem kim ciat tahen.
SEP KHOPNA AH LAWHCIN NA OM HI : Zomi Genvai Kipawlna (ZSM) pen 2009 kum in Zomite Malaysia lei tang tungah luangpham nasep khat I neih loh phamawh ding hi cih ngaihsutna tawh a kipan khia ahi hi. Tua bang mahin Pawlpi, Khua leh mimal in mapang khawm in I sepna te hangin tuni ciang dong kilawhcing toto a, Zomi tampitak luang kipham thei hi.
2019 kum kipat pan tuni ciang dong Mimal 23 bang luang kipham a, tua sung pan Innkuanpihte lunggulhna tawh kizui-in 13 bang kawlgam kipuakin Malaysia leitang ah 10 bang kivui hi. Hih 23 te sungah ZSM hong lutlo 9 bang om a, ahi zongin Zomi ahih leh ZSM lut/lo kien masa loin a vai teng kivansak den hi. 2009 pan tuni dong ciang ZSM pan in Zomite 282 bang aluang kipham khin hi.
Hih ciang I sep zawhna leh I kalsuan zawh na pen Topa hong ompihna leh Pawlpi, Khua leh mimal mahmah in mapang khawmin I sep khopna hang ahi hi. Kum khat ai dingin RM20 I piakna in a I mipih tampi tak a dah akah hun in a khitui a nulsak I hi hi.
Comment piaknop aomleh...