Aizawl ah Covid-19 hangin khanlawhna tung

Aizawl ah Covid-19 hangin khanlawhna tung

Mizoram Aizawl Khuapi Covid -19 hangin, Lockdown uh ahih manin Biakinn khempeuh kikhak hi. Khua sungah mipi vak ding kham uh a, kuamah vak khia se lo in, inntek ah om uh hi.

Kumpi lam leh YMA-te zong khua sungah mi vak om lohna ding a munmun ah duty uh hi. Hih bang hun kawmkalah TV Chanel khat ahi LPS pan Mizogam sung bup mite et theih dingin, nitak 8:00 Pm hunsim in Lungdamna thu tangkona leh biakpiaknate Live tawh khak khia den uh hi.

Aizawl khuasung bek hi lo, Mizogam bupin nitak 8:00 hunta teh TV tungdawnin kikhopna “Home Crusade”a mau innciat ah nei den uh hi. Hih home crusade nitak sim speaker dingin Evan. Frederick Diaka leh a lawmte ( Bethel Ministry) in makai den uh hi.

Biakinnte khak mah ta le uh nitak 8:00 hun simin TV tungtawnin, a mua inn ciat ah kikhawm uh in, phatna lasa uh a , tua a lasak aw gingte uh pen Azawl khuapi sung leh Mizogam bup dongin thawn ziahziah bek hi.

Khangno guih theih khamtheih zangte leh zu tawh a kisia mi tampi takte sungah Khasiangtho in nasema tun Mizogam Aizawl khuapi sungah khanlawhna nasiatak in tung a, mi tampi takin a mau innsung ciat pan Pumpi, Kha damna ngah uh hi. Leitung bupin a lau mahmah uh Covid 19 pen Mizoram a dingin Topa Pasian in Kha khanlawhna suak sak ziau hi. Sia Puia Facebook