Germany gamsung aom Ansbach City ah apuakkham khat om a, mi khat si in adang mi 10 bang liamhi cihthu Monday ni zingsangtung lamin AP News pan kiza hi. Munich’s Focus Magazine te suahsakna ah hih buaina pen Sunday nitak in apuakkham hi a, Open-air Music Festival pawipi akibawlna ii alutna kongbianggei ah ahihi cihi.
Ansbach Police te genkhiatna ah hih apuakkham panin mikhat sipah a, apuakkhamsak zong tuapa mah hiding in ki ummawh cihi. Tuavai hangin Ansbach Police te Monday nitak 10pm pawlin kizasakpah cihzong genkhia uhhi.
Open-air Concert ah mi 2500 bang aom zihziah hi a, hih buaina hangin pawibawl zong ki khawlsakpah hi.
Germany gamsung ah tunai ngongtatna gitloh gamtatna hong kinawh simpiam hi.
Sunday ni in Germany gamsung oam Reutlingen City ah Syrian Refugee khatin temta tawh numei khat dawtlum a, adang zong mi 2 liam hi. Tua adawtpa pen kum 21 gualpawl hi a, amahguak gamtatna ahihi. Kumpi thunei te’n manpah uhhi.
Nung Friday ni inzong Munich City sung aom Shopping Mall geikhat ah thautawh ki phialkapgawpna khat piang a, mi 9 in sihlawh hi. ZD Sawltak #zomidaily
Comment piaknop aomleh...