Tulaai Leitung Thuthang Tuamtuam Updates March 15, 2016

Tulaai Leitung Thuthang Tuamtuam Updates March 15, 2016

· Ingak lah mahmah Kawlgam Kumpi kiteelna mansiang ta a , President ding in U Thin Kyaw, Vice-1 U Myint Swe leh Vice-2 U Henry Van Thio te ahi uhhi. Hih kiteelna I et ciang Mualtungmi te theihuai mahmah thu-2 om a tuate in:_

1. Daw Aung San Suu Kyi in Hlutdaw dawl-2 pan Mimuan huai mahmah Nih teelkhia hileh, NLD te Mee tang kikikkhen ding a USDP leh Gaalkaap ten President ngahding cih mukhol ahihman Mipil U Htin Kyaw leh Kuama theihkholloh Pu Henry Thio teelkhia hi. Atom in mee tangkhat zong ngah takei leh Van Thio peen Vice-2 ngahsa ding in abawl hi a Zomi/Chin te ong kaupaih pak ahihi.

2. Ei Minam Party tek haatlo a NLD ah Mualtung mi te ikigawm laaisiah Leitung beidong Mualtungmi ten President kingah ngeilo ding cih kimu a, I gengen Federal piang ngeilo ding hi.

· IS migilo te Gaalkaap Maangpi pa ahi Omar al-Shishani © Nungkaal sung Syria gam sung ah US ten Vanlam tawh bomb akhiatna pan IS gaalkaap 20 kiim si in amah naakliam mahmah a, March 14,2015 ni in aliamma tawh sita hi ci in US ten taangkokhia uhhi. VOA

· North Korea gam Leikha Maangpi Kim Jong Un in agamla kaap theina Nuclear thautang cimphawng in lawnsin ding in March 15, 2016 ni in agaalkaap te thupia ta ci in thuthang puangkhat ahi KCNA ten genkhia uhhi. Akibang mah agamla kaapna thau tang Iran ten nungkaal sung ah lawnsin uha, UN Security Council abuai pih mahmah laaitak in North Korea in abehlap to ahihi. CNN

· Russia President Vladimir Putin thupiakna tawh Syria gam gaalsimna pan Russia gam aciahkik Russia Gaalvaneeng SUV-34 te 3 Russia gam March 15, 2016 ni in tungkik ta a, gaalzawhna lian neilo uh himah leh Mipi in nasiatak in namuak veve uhhi. VOA Lungdam, Thang Khawm Pauzomi