Joel Osteen teci panna

Joel Osteen teci panna

America gam ah a minthang Likehood pastor Joel Osteen thugen tawm gen ding hi hang. Joel Osteen in a gen na ah: A nupen siavuan te in cancer natna hangin kha 3 val nungta lo dinghi ci in gen uh hi. Kha 3 khitciangin a si ding ahihi.

Siavuan pilte leh zatui siamte in a cih nading theinawnlo uhhi. ‘Si dinghi’ cihbek thei uh hi. Ahizongin hih nupi nu in a mittawh a muhna honglaih hi. Amuhtheihna muntengah a cidam lai aa mante, a nungaklai, a mel hoihlai, a thahat lai aa man hoih nono te muntuamtuam ah koih hi.

A lenglakhan ah, an huanbuk sungah, lupna khansungah, kisil buk sungah, mawtaw sung leh a koih theihna mun khempeuh ah tuabang man (photo) te koih hi.

Tua man te en den hi. A en nuam kei phialzongin muden hi. Tua man kisuangte en kawmin ‘kei pen a cidam ka hihi, hih mante bangin a melhoih, a thahat ka hihi’ ci in pulak den hi.

Mittawh mu in kamtawh a pulak ciangin a upna hong khangsemsem hi. Tua a muhna in nalianpi piangsak takpi aa hong damkik hi. Siavuan te in kha 3 val nungta loding a cih nupi pen tua zawh kum 30 val nungta lai hi. (Joel Osteen)

Hih thu i ngaihsut ciangin mittang muhna ii thupina leh a vangliatna honglak hi.

Cancer a dam nadingin zatui zatang te ki nelo napi pumpi sungpan in tua cancer lungno a beisak ding sunglamtha in nasem hi.

Sunglamhatna in na a septheih nadingin mittangtawh muhna kisam pha mahmah hi cihthu honglak hi.

I deihna ngah in, i piannop bangin i piantheih nadingin ih mitmuhna tawh lamsial ding thupi hi. Tua lampi tungah sunglam nasepna hong ki hawlding ahihi.

Cancer damsak thei, hong melhoihsak thei, hong thahatsak thei, lametna hong pia in, upna hong khangsak thei, i theihnop thute zongh hong hilh thei hi. Na piannopdan lim te enen in. Mumu den in. Nalianpi hong piang ding hi.

Ih sunglam pan in ih khuakbu pilna tawh i theihban zawhloh nate ki sem hi. Baihlamtak a Nalianpi Sepna by ThangBawk/ Siamsin Library