Myanmar Convention Centre ki phelkhia in, athak ahoihzaw in ki lamkikding

Myanmar Convention Centre ki phelkhia in, athak ahoihzaw in ki lamkikding

Myanmar, Yangon, Min Dhamma Road aom “Myanmar Convention Centre” pen ki phelkhia dinga, athak ahoihzaw in ki lamkikding cih MMTimes pan kiza hi.

Tua Myanmar Convention Centre pen pawituamtuam, International Exhibitions & Events tuamtuam aom ciangin azat cingzaw, anopcizaw dingin Yangon’s Region Government in alamkikding ahihi.

Tulaitak tua Complex pen International Exhibitions & Fairs khatpeuh aom ciangin vanzat kicinglo, amun toilua, sepdan lemtheilo hi. Tua ahih manin Yangon’s Regional Government in Transport alemding, Land & Water Transport tawh aki tungtheiding cihbangin Hall anopcizaw in ageel uh ahihi.

Tua ahih manin, tua Hall pipen Nga Moe Yeik Creek geinai ah lamkikding kigeel a, tua hileh mawtaw tawh Land Transport aki zattheih mahbangin, tuitung tawnin Water Transport tawhzong ki tungtheiding hi ci’n thunei te’n genkhia uhhi.

Regional Government in alemthei pendingin ki ngaihsun a, Exhibition Venues, Car Parks, Restaurants cihbangdan Facilities tuamtuam tawh akithuahkhawm theidingin kigeel hi ci’n Chief Minister U Phyo Min Thein in genkhia hi.

Tua ahih manin Yangon City Development Committee te’n aomna Myanmar Convention Centre pen susia in phelkhiading uh a, ahoihzaw Modern Complex khat lamkikding uhhi. Tuabangin aki lamkik ciangin maikumsung zawhsiang theihding in kigeel, ki lamen hi ci’n genbeh hi.

Abeisa January khasung inzong International Gems & Jewellery Fair kinei a, tuapen Lotte Hotel ah kibawl hi. Myanmar Gems and Jewellery pen leitung ah aminthang mahmah ahihi. Ahi zongin Yangon pen Gems & Jewellery Market kiciankhat in leitung in hong ciamteh nailo hi.

Tuahang in abeisa January khasung in Gems & Jewellery Fair ki vaihawm in, Yangon ah akibawl ahihi.

Hong Kong pen agamsung panin suangmanpha Jewellery bangmah pianghetlo hi, ahi zongin Jewellery Merchants tuamtuam, Fair tuamtuam neizel uh ahih manin minthang mahmah hi.

Myanmar Merchants te Hong Kong ah kumsim in vapai uh a, Diamonds tuamtuam aleikhit uhciangin gamsung ah zuakkik uhhi. Banghang in Myanmar leh Yangon inzong Hong Kong bangdan in Jewellery Show tuamtuam bawlzoloding ihhihiam? ci’n Chief Minister U Phyo Min Thein in genkhiat hi.

International Events & Exhibitions tuamtuam kibawl zelzel hileh Myanmar gamsung ah gamdangmi khualzin tamsemsem dinga, Tourism zong akhangtosak hipah hi.

More: Yangon, Pazundaung Township sung aom lampi 15 te One-way in kilaihding

Tua ahih manin U Phyo Min Thein ii makaih Yangon’s Regional Government panin ulian te leh Hong Kong, Bangkok cihbang Jewellery Events akibawl zelzelna aom International Organisers tetawh kimukhawmding uh a, kikupna neiding uh cih kiza hi. Sawltak #zomidaily