Phawkding thu pawlkhat ~ Job Cinpi

Phawkding thu pawlkhat ~ Job Cinpi

Innlamte siam semsem, innlam dante zong hoih semmsem, inn hoih lo hoih tam semsem, ahi hang innkuan hoih tawm semsem, innkuan tawh a nungta mi tawm semsem. Nang, bangci na muh hiam?

Khangthak pilna le siamna sang semsem, gem khat le gam khat kizopna baih semsem, muhphakloh, khenphaklohna muna omte naleng zong mel kimu thei, aw tawh kiho thei. Hi zongin innkuan sung, sanggam u le nau meltheih kizopna ah tua nate in kigamla sak kik hi. Na phawkkha ngei hiam?

Mipil misiam tam mahmah napi, pilna tawh a gamta, a piltat , a cimtat mi tawm mahmah hi. Tua bang mi na tuakkha ngei hiam?

Mi pawlkhat in, nuntak nading an ne uh a, pawlkhat an ne dingin nungta uh hi. Tua bang mi na thei kha ngei hiam?

Itna thu kinakgen semsem, kam le mukte in itna mah cici. Ahi zongin itna tawh a gamta mi tawm semsem ta hi. Nang, bangci na muh hiam?

Numei pasal a kician mel lo tampi om, a zi neih a pasal neih a kician mel lo tampi om. Tua bang mi kim le pam ah om kawikawi ta uh hi.

Mihing tam mahmah napi’n, Migi tawm mahmah hi. Mi khempeuh gi kim loin, gilo kim lo hi.

It le ngaih tam thei mahmah napi’n, khual ding le zahtaka it bawl ding tawm mahmah thei hi.

Bawltawm nate hoih semsem, a piangsa nate kisia semsem. Khangthak nate in Pasian’ piansak nate susia hi. Job Cinpi