ZIUSA Thupulakna: Zomi Khawmpi USA 2016 – Pawi tuamtuamte

Zomi Khawmpi USA 2016
Zomi Innkuan USA kipawlna, Executive Committee in khasim Thukikupna khat March 12, 2016 ni in lawhcing takin bawlzo hi. Thukikupna sung ah Kipawlna Maban tuamtuam leh Zomi Khawmpi USA tawh kisai thute kicing takin kikupna kinei hi.

A hong tung ding, July 1~2, 2016 ni sung teng, Tennessee Gamkee, Nashville khuapi ah a kibawl ding, Zomi Khawmpi USA 2016 sung ah anuai a pawi tuamtuamte bawl dingin kikhensat hi.

1. ZIUSA Cup Soccer Tournament:
Sports Committee in tanu sem ding a, a thu a kicing in hong pulak ding hi.
Khawmpi hun kicinglo ahih manin kimawlna pen June 30, 2016 (Thursday) ni in kipankhol ding hi.
2. Zomi Idol USA Competition:
Music Committee in tanu sem ding a, a thu a kicing in hong pulak ding hi.
3. Zomi Concert USA:
Music Committee in tanu sem ding a, a thu a kicing in hong pulak ding hi.
4. Zomi Cultural Show:
Culture Committee in tanu sem ding a, a thu a kicing in hong pulak ding hi.
5. Zomi Student Forum (Siamsin & Khangno Holimna) :
Student & Youth Affairs Committee in tanu sem ding a, a thu a kicing in hong pulak ding hi.
6. Zomi Forum:
Political Affairs Committee in tanu sem ding a, a thu a kicing in hong pulak ding hi.

Khawmpi bawlna ding a kisam sum leh paaite ngah theihna dingin Finance Committee in hong vaihawm ding hi. ZIUSA Cup Soccer Tournament a kidem ding pawlte in Sports Committee in a seh lutman sum khia ding hi. Khawmpi T-Shirt leh Lucky Draw kibawl ding a US gam sung teng ah kihawmkhia ding hi.

Khawmpi bawlna dingin ZIUSA Kipawlna sung a kipawlkhawm Zomi Innkuan kipawlna khempeuh in kipawlna khat ciang atawm pen $200 khia dingin kikhensat hi.

Zomi Concert USA pawi a kihel dingin Kawl gam, Vai gam pan Zomi lasiam leh tumging siam pawl khat kisam ding hi. Siamsin Holimna akah dingin Zomi Siamsin kipawlna makaite kisam ding hi. Zomi Forum ah kihel dingin Kawl gam, Vai gam a om Zomi makaite, mipil misiamte kisam ding hi. A kisam ding Zinmangte a hun zui in kitaangko ding hi.

Executive Committee
Zomi Innkuan USA

Tang’in, thupiakna bangin;

GSKhup
General Secretary
Tulsa, OK, USA