Tulaai Leitung Thuthang Tuamtuam te Update (September 1)
US ah Khuahun sia kizom ding
Ongtungding Kaal sung ah Atlantic tuipi pan Huihpi leh Tuihual Lianpi nih ongkipei ding US gam tuipi pang ahi Florida, South leh North Carolina State dungto nawkkha ding ci in September 1, 17 ni in US Khuahun etkholh siamte in taangkokiha uhhi. Tunung a Texas anawk pen Hurricane Harvey kici a tu a paiding peen Hurricane Irma kici hi. Tuipi naai a om Zomi te kidawmsiam te ni Gunkuang khatta bang leikhol leeng kikhiallo ding hi. US Weather Channel
Texas State Misi kibehlap
US gam Texas state Huston leh akiim apaam teng huihpi leh guahpi in nawkgawpna hang in tuni ciang misi 47 kimuto ta a khua hun ahihleh hoihlam manawn in kumpi thunei te in siahsuahna leh huhna lam asep laaitak uh ahihi.Hih hamsatna athuak te ading in President Donald Trump in ama ipsung pan Dollar One Million piakhia ding ci in Innkaangpi in zan ni in taangkokhia uhhi. Hih tuahsiatna supna baaina tawh kisai in donghu ding in Trump makaih kumpi thunei te in $5.95b sumbul azon laaitak zong ahihi. BBC
Rakhaing Gaalkaap AA leh Kawl Gaalkaap te kido
Kawlgam Chin State sung Paletwa huam sung a kibusa AA Rakhaing gaalkaap te Kawlgam gaalkaap te August 31 ni in vabuluh nong uha, nasia tak in kikaapna om ahihman in Kawlgaalkaap abu amaang leh anono honpikhat Chin State leihoihza ding in kizang hi. AA te van pawlkhat kingah cin Kawl gaalkaap ten taangkokhia uhhi.The Irrawady News
Asia gam sung ah tuikhan na hang in misi tam
Asia gam sung ah tu Summer sung in tuikhanna hang in misi bekbek 1,200 pha a mipi 41 million in hamsatna lianpi tuak in Naupang 1.8 million bang in pilna sinzom theilo uhhi ci in UN leh International Federation of Red Cross te in September 1, 17 ni in puangkhia uhhi. Hih tuikhanna gamte peen adiak in India, Nepal leh Bangladesh gamthum pan hi ci uhhi. Misi zong kibehlap laaiding in gen uhhi. TIME
Kenya President kiteel phakik ding
Abeisa August 8 ni a Kenya gam President kiteelna ah President Uhuru Kenyatta in 1.4million meetang tawh gualzawhna ngah hi ci a election commission te taangkona peen golhguuk om ci in alanglamte in thubawl uha, September 1, 17 ni in Kenya gam thuenihna saangpeen The Supreme Court te in abeisa kiteelna thu asim ahihlohna kipsak in thukhunpi tawh kizui in ni-60 sung kiteelna bawlphat ding in taangkokhia uhhi.BBC
Tukpeeng Siam Rooney Kiman
Everton te gaalmaai nawkpipa ahi Leitung Tukpeeng kimawlsiam Rooney in September 1, 17 ni in Tamdawnlua sa in mawtaw hawl a Wilmslow Khuapi sung ah zanlam nai-2 pawl avaaknapan palikten naman uh a, gilbeem ah koihphot uhhi. September 18 niciang thu kisit ding a September khabei lam ah bail-a-mah-khan tawh suakta thei ding ci uhhi.BBC
Related: Myanmar, Rakhine State sungah Dengue Fever angah mi 1400 pha, mi 16 sikhin
Kim Jong Un Daaidide ta
Kiphasak khia mahmah aduhduh adeihdeih angawllo North Korea leikha maangpi Kim Jong Un peen US + JAPAN + SOUTH KOREA ten gaalvanleeng hoih nono te tawh August 31 ni kimvial gawp in gamgi dung ah Bomb ataktak te tang-4 khawng akhia toh uhleh Laulua asibup maw leisung ah luutmaw kitheilo ahusa kizanailo phot hi.
Thang Khawm Pau
Comment piaknop aomleh...