Myanmar, Rakhine State sungah Dengue Fever angah mi 1400 pha, mi 16 sikhin

Myanmar, Rakhine State sungah Dengue Fever angah mi 1400 pha, mi 16 sikhin

Myanmar, Rakhine State sungah thokang hangin akilawhthei “Dengue Fever”natna tawh asi mi 16 bang phakhinta cih DVB pan kiza hi. Rakhine State sung aom Township khempeuh phial ah Dengue Fever omkawikawi kici hi.

Guahtui luanhun Monsoon Season sungin tuikhang in, munkhempeuh ah tui kivung kawikawi a, tuahang inzong thokang tamsaktuam mahmah hi. Department of Health te’n Monday ni agenkhiatna ah tuciangciang Dengue Fever tawh asi mi 16 bang phakhin ci uhhi.

Regional public health department panin Assistant director asem laitak ahi Dr. San Kyawt Khine in agenkhiatna ah Dengue Case akimuh khiatna munpen Minbya, Kyauktaw, Taungup, Sittwe cih khuate ah hiphadiak cihi.

Rakhine State khatsung bekbek ah Dengue Fever pen akigawm in mi 1400 bangin ngahkhin, kilawhkhin cimawk a, tualak ah tuciangciang 16 sikhinta cihi. Buthidaung leh Maungdaw khuasung ahzong abeisa khasung in Dengue Case om ci uh a, July khasung inbel bangmah muhkhiatbehna omlo cihi.

Tukumsung pen Dengue Fever angahkha mi tammahmah a, tukum kha 6 sungin Dengue Fever angah pen abeisa 2016 kumkhatsung sangin tamzaw ciliang hi. Sawltak #zomidaily

Dengue natna pan kidaldan ding

• Tui kholna bungte kal khatin khat vei laihden ding.
• Tuibung, tuihai zatloh te khupsa in koih den ding. Tui a om ahih leh asit tawh hamtang ding.
• Innpua lam a kikoih vante tungah tui cingte hemkhia, buakhia den ding.
• Innpua lam a vanzat loh khempeuh hemkhia, paikhia mang ding.
• Omna inn siangtho sak den ding. Lupna khan sung a tui kicin theina munte nisim siangtho sak den ding.

Dengue natna bang dan a kilawh thei

• Aedes a kici thokangpi in natna anei sa khat pet in tua pan sisan hup khia hi.
• Tua thoikhangpi mahin tua ahup khiat sisan pen ama tungah pua hi.
• Tua khit cingin midang khat petin tua natna kilawh sak hi.

Dengue natna neite nattheih dan

• Nasia tak a natna.
• Nasia tak lutang natna.
• Pumpi tungah cibawk omna.
• Taksa leh guh leh tang natna.
• Lungam a luakna.
• Atunga natna dan na neih a leh nasem pailo in Siavuan te kiangah kilakpah in.