Selfie Photo kizaihding in Pi 1400 val asang inndawn ah akahto khangno te
Manzaih a uk mahmah Photographer te’n Photo ahoihkhat ngahtheih nadingpen hamsa mahmah ci uh a, tamveipi azaihzaih lakpanin khatlenih khawngbek hoihsa in teelkhia uhhi.
Sengam ahzong khangno pawlkhat Selfie Photo kizaihding in innsang mahmah, Meter 450 (Pi 1476.38) asangdawn ah kahto uh a, Selfie Photo kizaih uh cizen hi.
China, Jiansu Province sung aomm Nanjing City sungah innsangpenpen in akiciamteh “Nanjing’s tallest building” tungdawn ah kahto in akizaih uh ahihi.
Hih Selfie Photo akizaihna uh innsangpi pen Zifeng Tower kici a, inndawl that 89-storey pha cimawk hi. Tua innsangdawn ah akiphut sikkhuam tungah kahto in akizaih uh cih ThePaper.cn te’n genkhia hi.
Hih khangno te lakah Tong Hu akicipa’n agenkhiatna ah abeisa inzong hih inndawn ah kahtoh kasawmzelzel uh a, ahi zongin Security Guard te’n hongphal ngeilo uhhi. Tutung pen kamphatna tawh amau theihlohkal in ka kahtothei uhhi ci’n genkhia hi.
Innsangdawn khawngah akahto pawlkhatpen amaule amau aki thahlupsawm, aki suamlupsawm cihtepeuh hitheizaw ahih manin, kuamah innsangdawn ah kahtohding kiphallo ahih manin, Security Guard te’n amuhnakleh khamcip uhhi.
Hibek thamlo adang innsangpipi Skyscrapers te ahzong kalawmte tawh kahto in, Stunt Photo tuamtuam kakizaih zelzel uhhi ci’n genbeh hi. Innsangdawn ah akahto uh ahih hangin Safety Measures bangmah kiging vetlo, kidalkholhna bangmah neivetlo uh ahih manin lauhuai mahmah hi.
Related: Selfie kizaihna hangin US$200,000 manneiding Artworks honkhat phutukkha
Hih lawmta te Zifeng Tower dawnah akizaih Photo pen Social Media ah ki thehzakpah zihziah a, ki citziaktek mahmah hi. Police Officer te’n hihbangin innsangdawn ah phalna omlopi in kahtoh pen Publice Order Offences tawh thu kibawlthei hi ci’n genkhia uh cihi.
Selfie Photo ukdanzong atuamtuam mah hizel ei 🙂 Sawltak #zomidaily
Comment piaknop aomleh...