Kandawgyi Palace Hotel meikang hangin mi 2 si, akatna ahang kitheinailo

Kandawgyi Palace Hotel meikang hangin mi 2 si, akatna ahang kitheinailo

Myanmar, Yangon khuasung aom Kandawgyi Palace Hotel pen Thursday zingsanglam in meikanggawp hi. Misi pen akizakcilna ah mikhatbek asi ci’n akiza hi a, ahi zongin adangkhat kibehlap in, misi 2 phatota cihi.

Hih meikatna ahangpen kumpi thunei te leh Hotel anei te’nzong bangmah theician nailo uhhi. Zingsanglam 3am hunpawl in meikang akipan himawk ahih manin, Fire Investigators te’nzong meikat kipatna pen paulap “Evidence” kician limtak in azonsan laitak cih MMTimes pan kiza hi.

Zanni in akizakna “initial investigation” akibawlna ah hih Hotel ii inndawl 5th Floor panin meikang akipan kici hi. Tua inndawl 5th Floor sungah Meeting Rooms tuamtuam leh zintunbuk Guest Rooms zong tampi aom ahihi.

Hih Hotel anei ahi Htoo Hospitality panin CEO asemlaitak ahi Raymond J. Bragg in agenkhiatna ah meikat akitheih ciangin meiphelh dingin Fire Brigade te ki zasakpah a, amau sawlna “Instruction” piakbangbang in aki gamta hi ci’n genkhia hi.

Tulian laitak in hih Hotel meikatna ahangpen ko ii genkhiattheih bangmah akician omnailo hi. Police te ii kankhiatna “investigation” Result aki ngaklaitak hi ci’n genbeh hi.

Hih Hotel geinai ah meikat akipatlian laitak in aomkha numei khatin agenna ah apuakkham, agin ngaihmahmahkhat kiza a, tuakhit ciangin Hotel Building sungpan in meikhu pusuak ziahziah cihi.

Tuakhit ciangin meikuang tawh kizompah a, meikuang pen huaisia mahmah ahih manin, asung ah meikuangsakthei “inflammable” van honkhat omhiding cihi.

Regional MP U Hla Htay in agenkhiatna ah hih Hotel mai ah zingsang 3am hunpawl in katung a, tuahun in meikuang pen phelhzawhding hinawnlo in, kuangziahziahkhin cihi. Lamzikpi tungah Hotel zintung Guests tepen azanlup niklepuan tawh omngeingai uhhi.

Akhut sungah bangmah tawiman neilo in, ami asuahtaktheih nadingin ataikhia ngeingai uhhi. Hotel Staff tengin Firefighters tetawh Gas Tanks teng apualam ah nawnkhia uhhi. Meiphelh inzong buaimahmah uhhi ci’n genkhia hi.

Hih Hotel meikatna tawh kizui in Luxury Hotel khat buangding in Fire Protection System akician omlo, neilo hi ci’n kigen hiauhiau hi. Tuavai tawh kisai in CEO Raymond J. Bragg in agenna ah hih Kandawgyi Palace Hotel sungah Fire Protection System hoihtak kithuah in, avekin siatna bangmah omlo, ahoih vive hi ci’n genkhia hi.

Yangon leh ageinai States, Regions tuamtuam panin meiphelhding in Firefighter mi 500 val leh Fire Truck 60 valtawhh mei akiphelh hangin kiphelhsiang zolo in, Kandawgyi Palace Hotel pen meikuang lakah beicipdek hi.

Video: Fire decimates Rangoon’s Kandawgyi Palace hotel

Hotel Official leh Police te genkhiatna ah hih Hotel meikatna hangin mi 2 in sihlawh hi ci’n genkhia uhhi. Media tuamtuam te genkhiatna ah tua asi mi 2 tepen Japan gammi leh Thai gammi ci uhhi.

Mingalar Taung Nyunt township panin Police Officer khat ii genkhiatna ah asi khatpen 5th Floor meikat kipatna inndawl panin akimukhia cihi. Tua asi pen Thai gammi hiding in ki ummawh a, ahi zongin numei pasal cihpen akician in ki genkhiathei nailo cihi.

Related: Yangon luidungteng ataiding “Water Bus” kipan taktakta

Hih Hotel meikat laitak in inndei 96 Rooms ah zin atung hi a, zintung khempeuh Local leh Foreigner akigawm in mi 141 zintung in aomlaitak ahihi. Tua zintung Guests tengpen ageinai aom Chatrium Hotel leh Hotel Rose Garden te ah ki tuahpheisak hi ci’n CEO Raymond Bragg in genkhia hi. Sawltak #zomidaily