Selfie kizaihna hangin US$200,000 manneiding Artworks honkhat phutukkha
USA, Los Angeles khuasung aom khutsiamna Artworks tuamtuam akilahna Gallery khatah numeikhat in Selfie akizaihleh anung aom Artworks te phupaikha cimawk hi.
Tua aphutkhak Artworks tepen aman akituat ciangin US$200,000 bang manneiding kici hi. Tua numeinu’n Artworks kikoih dimdiam te aphutkhak laitak CCTV panin Video Record kibawlkha a, tua Video Clip pen ki khahkhia in Social Media tungah ki thehzakpah hi.
Tua khutsiamna tuamtuam tepen Hong Kong based Artist Simon Birch ii khutsiamna te hi a, Los Angeles khuasung aom Gallery khatah akilak, aki luizihziah ahihi.
Artist Simon Birch in abeisa kum 6 sungbang akholkhol, akhutsiamna Artworks tuamtuam te mipi ettheihding in alak hi a, tuate tawh numeikhat Selfie kizaihding akithawi laitak in anunglam in phukha citciat hi.
Video: Women knocked over a group of artworks worth about US$200,000 while taking a selfie
Selfie akizaihsawm laitak khatphukha in, tua atuksuk ciangin khatkhitkhat kidengkha in, tuksuk duamduam hi. Hih aphukha numeinu pen sangnaupang “Chinese Student” khat cisawnsawn hi. Liausum piakkulding hileh sangnaupang khatin US$200,000 piakding, liauding pen baihpak hetlo khading hi.
Khatvei Selfie kizaihsawmna hangin aphutkhak, atuksuk Artworks tengpen amanzahding asum akituat ciangin US$200,000 bang manneiding cimawk hi.
Related: Mexico ah Selfie kizaihsawm nungakno nih vanleng in nawkkha in si
Hih thuthang tungtawn in Selfie kizaih a ukphadiak te’n kidop theihding thupi mahmah hi. Abeisa inzong Selfie kizaihna hangin asi, aliam tampi kizaza khin hi. Selfie akizaihsawm te’n nakiim napam uh hoihtak encian phot un. Mawtaw lampigei khawngah Selfie kizaih, innsangdawn khawngah Selfie kizaih in atuahsia tampi omkhin hi. Tuate tungpanin Lesson laktheihding thupi a, khanlawhhuai ta hi. Sawltak #zomidaily
Comment piaknop aomleh...