Numeikhat ahehsuaklua in meilengsung mipi lakah abombi suahkhia

Numeikhat ahehsuaklua in meilengsung mipi lakah abombi suahkhia

Mihing te hehdan pulakzia pen atuamtuam himawk hi. Meileng sungah numei khat aheh suakmahmah in, alawmpa ki thuumsaknuam ahih manin abombi suahkhia cimawk hi. Tuabangin numeinu in abombi asuahkhiat laitak Video kizaih in Social Media ah nungsungteng kithehzak hi.

Tua buaina Incident pen China gamsung aom meileng sungkhat ah thupiang ahihi. Meileng sungah Passenger adangzong mi tampi aomzihziah kawmkal ah numei khatleh alawmpa “Boyfriend” kitawng, kinial uhhi.

Tuabangin kitawng in aki kamtamkhit uhciangin numeinu pen hehmahmah a, alawmpa in athuumding lunggulh hi. Amai ah alawmpa khukdinsuk in athuumding lunggulh ahih manin, numeinu inzong abombi suahkhia sukziau cimawk hi.

Mipi muhin alawmpa pen amai ah khukdinsuk in thuumkikleh alunggulh hi a, ahi zongin alawmpa inzong nathuumpah saisai hetlo, bekthamlo thudonlo in koihziau sawnsawn hi.

Agei aom Passenger mipi te’n banghangin khukdinliang in thuum kulsesehiam ci’n otsan uh ci a, tuaciangin numeinu pen hehsemsem kici hi.

Ahi zongin numeinu zong alunggulh angah mateng tatuanlo in, agei aom mipi te awlmawhlo in, alawmpa kiangah hongthuumding maw, thuumloding ci’n otsan lala hi.

Tuakawmkawm in meileng sungah numeinu pen kileh kawikawi sawnsawn a, hongthuum in ci’n ongong mahtaleh alawmpa’n atheilo bangin omsan hithiat lel hi.

More: Update: Numei te bombi sungten aguk sakzelpa kiman khiata

Alawmpa’n a awlmawhloh ciangin numeinu pen hehsemsem a, abombi pen akhetul dongah kaisuksuak sawnsawn hi. Anunung ah kilemkik uh kici a, numeinu abombi aki suahkhiasa mahin alawmpa tawh tukhawm in, Phone sungah kilahlah nei uhhi. Numeinu ii abombi bel kaihtohsak tuanlo in, tuapi mahin meileng sungah tukhawm lenlan uhhi. Mihingte lunggulh leh lungkimna zong atuamtuam….. Sawltak #zomidaily