Red Cross te’n Myanmar, Rakhine State sungah huhna tampi hawmkhia

Red Cross te’n Myanmar, Rakhine State sungah huhna tampi hawmkhia

Red Cross te’n Myanmar, Rakhine State sung aom cimawh dongtuakte huhna vantuamtuam sumtampi bei in piakhia uh cih Eleven Myanmar pan kiza hi. Humanitarian Aid ci’n nektheih Food tuamtuam leh Consumer Product ahawmkhiat uh hi a, 17 Million Swiss francs (US$18,186,600) sumbei in ahawmkhiat uh ahihi.

Tuabang in huhna Humanitarian Aid ahawmkhiatna ah Red Cross, Asean leh UNHCR (United Nations Higher Commission for Refugees) panin khangno Youth Volunteers pawlkhat leh kumpi thunei te kipawlkhawm in huhna ahawmkhia kici hi.

Myanmar Red Cross Association panin thuneipi Chairman asem laitak ahi Professor Dr Mya Thu leh Rakhine State Chief Minister Nyi Pu te kimuhkhopna abeisa January 31 ni in nei uh a, Rakhine State sung aom Refugees te bangci panpihding, huhna bangci hawmkhiatding cihte kikum uhhi.

Tuciangciang nekding leh vanzat “Food and Consumer Goods” akigawm in Government kumpi tungpan K476 Million, Asean Members te tungpanin US$730,000, UNHCR panin K443 million, MAUK Myanmar panin K79 million cihbang ki piakhiakhin cihi.

More: Somalia gamsung Truck Bomb puakkhapna hangin asi mi 231 pha, 275 liam

Myanmar Red Cross Association te makaihna tawh Rakhine State Government Committee te kipawlkhawm in Rakhine State sungah huhna tuamtuam “Humanitarian Aid Activities & Social Welfare” nasepte kizomtoto laiding cihzong kiza hi. Sawltak #zomidaily