Tulaai Leitung Thuthang Tuamtuam Updates April 14, 2016

* • Kawlgam Mandalay khuapi pan nitumna lam tai 84 na kiim pawl MONGZUA khua kiim ah April 13, 2016 ni in 6.9 Magnitude ahaat zinling a, Kawlpi kiim dong lok to bektham lo Gamveng ahi China, India gamte dong lok mang ahihman in China leh India te bang in mipi te innpua ah nawnkhia zihziah uhhi. Kawlgam peen kithuzaakna hamsa, Kumpi gina sana kinei meel nailo ahihman in bangciang tung cih kitel naai tadih lophot a Inn le lo pawlkhat bel siattuak hi.BBC

* • Akizom mah inJapan gam tawlam6,Kyushu tuikulh tung ah April 14, 2016 ni in 6.4 haat zinling a Inn 16,000 kisia in lampi pawlkhat asiat ban ah 38,000 in mei neilo in mi 46 zato ah kipuak hi. Adang aban bangciang tung cih thu kizaakna omlian naio hi. VOA

* • China in vompi sahawm a akiim apaam teng aphulphulna mun South China Sea tung ah US leh Philippine gaalkaap te kipawl in Tuilam leh Vanlam tawh kizuih hialhial na abawl laaitak hi ci in US Secretary of Defense Ash Carter in April 14,2016 ni in Manila khuapi pan genkhia hi. Hih peen South China Sea tung ah kileh na anih veina hi a amasa peen Japan te tawh March kha sung in nei uhhi. CNN

* • US State Department ten April 13, 2016 ni in Sen gam leh gamdang pawlkhat te ah mihing zaleenna atawmzia pulaakkhiatna nei uhhi. Tua thu tawh kisai in Chin na ten April 14,2016 ni in US te leh kawkpah uha, US Palil ten Inn le lo neilo micimawhte athahna, Syria, Afghanistan gam leh Iraq gam te ah mawhna neilo mi alom alom a athahna te, US gamsung ah Politics kimawlna hang a neeksim sumte, Mihing zaleenna palsatna hilo ahihiam? Onggencian uhhen la onggen ciannop kei uhleh lah Leitungbup pi in amau nung mah izuih kuulding ahihman daai lel uhhen ci in leh kawk uh ahihman in US te aimitdeh bangphot tadih uhhi. BBC

* • South Korea gam kiteelpina April 13, 2016 ni in bawl uha, Upmawh huai hetlo tak in President Park Geun-hye’s Party ahi Saenuri party ten Tutna 300 lakpan 122 bek ngah in alangkhat ahi Minjoo Party of Korea ten 123 tawh zo kiau se uhhi. Mipi te in President Park sum vaai ah muanglo, North tawh akizopdan deihlo ahihman in Saenuri party guallel cin kigen hi.VOA

* • Tulaai tak peen Kawl te Dawi Pawi-Tuibuahpawi hi a zum kheempeuh kikhak himah leh Kawlgam State Counselor Pi Daw Aung San Suu Kyi in thukin vilvel thukikupding om ci in Meeting khat April 14,2016 ni in sam a bangthu bangla kikumding cih kitheilo himah leh gamvaai thongkia te khah vaaiding hinteh ci in ki ummawh ciat hi.VOA

Lungdam
Thang Khawm Pauzomi