Malaysia ah Bomb sukhamding bangkek in akizem, mipi alauthawng sakpa kimanta

Malaysia ah Bomb sukhamding bangkek in akizem, mipi alauthawng sakpa kimanta

Malaysia gamsung ah Suicide Bomber bangkek in akizem, Halloween Party paiding in akithawi pasal khat ii Photo pen Social Media ah ki thehzak hi. Khuasung mipi te lunghimawh, patausak ahih manin, tuapa pen matding in aki zongzong ahihi.

Tua Suicide Bomber bangin akizempa pen amahzong khial kisa ahih manin, amahleh amah Police te tungah ki ap “Surrender” khinta cih theStar pan kiza hi.

PJ vengsung ah palik thunei ahi Petaling Jaya OCPD Asst Comm Mohd Zani Che Din in agenkhiatna ah tuapa pen zanni Friday ni in District Police Headquarters ah kiman khinta cihi.

Hihpa pen abeisa October khasung in Suicide Bomber puantawh Apartment sungah kimu ahih manin, Police Report akibawl hi a, tua tungtawn in akiman ahihi. “Section 506 of the Penal Code for criminal intimidation” thukhun ombang in thu kibawlding cih kiza hi. Sawltak #zomidaily

Apartment sungah mipi te alauthawngsak “Suicide Bomber” puan asilhkhat kizonsan

Malaysia, Petaling Jaya (PJ) vengsung aom Apartment khatah pasalkhat luangkhamliang in Bomb asukham “Suicide Bomber” te bangdanin kizem in mipi te lauthausak cihi. Ataktak in Bomb asukham te hihtuak samlo a, Halloween Costume Party kahding in akizem hihtuak hi.

Hihvai tawh kisai in palik thunei Petaling Jaya OCPD Asst Comm Mohd Zani Che Din in agenkhiatna ah hihpa pen abeisa September 28 ni in hihbangdan Halloween Costume Party puansilhsa in, akimu cihi.

Khuasung mipi te lunghimawh, lauthawngsak ahih manin, Tuesday ni in Police Report hongkibawl hi ci’n genkhia hi.

Damansara Perdana aom Apartment khatah nitaklam 7:40pm hunpawl in akimu ci a, Suicide Bomber te bangdanlian in kizem cihi.

Police Offier te genna ah Halloween Party apaiding in akithawi hi a, Damansara Perdana aom Apartment ii Lift sungahzong atuanlaitak kimu cihi.

Hihpa pen Malaysian gammi, Local khat hiding in ki ummawh a, akhamul tezong abawltawm “Fake Beard” hiding kici hi. Puansilh pen akang zelzal, puantual khat silh in, alu ahzong dialkhat khim hi. Apumpi tungah Cardboard khat khihden in, tuatung ah “Circuit Board” leh apangtuak ah Plastic tuithawlhawm thuahhi.

More: Malaysia, Kota Damansara Cafe’ khatah datsithawl meikuangsa in kilot, mikhat liam

Police Officer te’n hihpa amukha, atheikha na om uhleh amanlang in Police Department ah hong zasakpah un ci’n tangkokhia uhhi. Hihpa gamtatna pen “Section 506 of the Penal Code for criminal intimidation” cih thukhun tawh kizui in akimatleh thu kibawlding cih theStar pan kiza hi. Sawltak #zomidaily