Kiallap: Coronavirus tawh kisai thu 7

Kiallap: Coronavirus tawh kisai thu 7

1. Coronavirus bang hiam?
Dawnna: Virus thak hi a, novel coronavirus kici phot in, tu in a min dingin 2019-nCoV kici hi. Coronavirus nam pana hong piang virus thak khat hi.

2. Coronavirus neite bangci om hiam?
Dawnna: Luna, khuh, cisa cihte hi a, zato kilah kullo hi. A sawtna ciang nak khuh semsem in awmbing, awmna leh kal kisia (zun thatheilo) zahdongin suk semsem hi.

3. Koi pan hong kipan hiam?
Dawnna: Ganhing pan hong pai hidingin ki-ummawh a, Sengam a Wuhan khuapi sunga tuisung pan piang sa leh ganhing namte zuakna (sea food market) pan hong kipan hidingin ki-um hi. Tu’n Sengam bek hio, Thailand, Japan, Korea, Singapore zong tungta hi kici hi.

4. Patauhna ding a om hiam?
Dawnna: Sengam ah coronavirus ngahte a tamzaw kum upa 40 tunglam hi a, a naupangte zong a ngah om in kum 13, 14 pawlte hi. Naupang a ngah kiza nailo hi. Kumham a tamzawte zong a cidamna uh a kiam lam leh natna dang a neisate hiphadeuh hi.

5. Bangci kilawh hiam?
Dawnna: Khuh, hahciai, vun kisawhkha. A tungin ganhing pan mihing kilawh bek kisa a, ahi zongin tu in mihing pan mihing mah kilawh hi. Khuh, khut kiletna pan,

6. Bang zatui tawh kikem ding?
Dawnna: Tuta dih in zatui ding omlo hi. Virus thak ahih manin bangci kikep ding, bang zatui zang ding cihte kithei nailo hi.

7. Mi bangzah in sihlawh hiam?
Dawnna: Coronavirus a nei mi za-ah-nih (2%) bek in sih lawh hi. Virus dangte tawh tehna in a siahuailua lo hiphot hi. Dr. Hau Za Cin